ଝରାଫୁଲ ମୃତ୍ୟୁ ଘଟଣାର ଧିରଧିରେ ଖୋଲୁଛି ସସପେନ୍ସ; ପୋଲିସ ହାତରେ ଲାଗିଲା ଭିସେରା ରିପୋର୍ଟ

ବହୁ ଚର୍ଚ୍ଚିଚ ରହସ୍ୟମୟ ଝରାଫୁଲ ମୃତ୍ୟୁ ଘଟଣାର ଧିରଧିରେ ଖୋଲୁଛି ସସପେନ୍ସ। ପୋଲିସ ହାତରେ ଲାଗିଛି ଭିସେରା ରିପୋର୍ଟ । ଏବେ ସେହି ରିପୋର୍ଟର ତର୍ଜମା କରାଯାଉଛି। ଖୁବ୍ଶୀଘ୍ର ମୃତ୍ୟୁ ରହସ୍ୟରୁ ପରଦା ହଟିବ ବୋଲି ସୂଚନା ଦେଇଛି ପୋଲିସ। ରିପୋର୍ଟରେ ଉଲ୍ଲେଖ ରହିଛି ଯେ, ଝରାଫୁଲଙ୍କୁ ନିଶା କିମ୍ବା ଔଷଧ ଦିଆ ଯାଇଥିଲା। ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଛି ନା କୌଣସି ଅସ୍ୱାଭାବିକ କାରଣରୁ ତାଙ୍କର ଅଚାନକ ମୃତ୍ୟୁ ହୋଇଛି, ଏନେଇ ରିପୋର୍ଟରୁ ଖୁଲାସା ହେବ। ପ୍ରଶ୍ନ ଉଠୁଛି ଯେ, ଝରାଫୁଲ ମୃତ୍ୟୁ ପଛରେ ଏମିତି କ’ଣ ରହସ୍ୟ ରହିଛି ଯେଉଁଥିପାଇଁ ପୋଲିସ ରିପୋର୍ଟକୁ ଏମିତି ଗୋପନୀୟ ରଖୁଛି? ହତ୍ୟା ମାମଲା ରୁଜୁ କରି ମଧ୍ୟ କାହିଁକି ସ୍ପଷ୍ଟ କରୁନି ପୋଲିସ ? ସେପଟେ ସ୍କୁଟରରେ ମୃତଦେହ ନେଇଥିବା ରାକେଶର ସହଯୋଗୀ ଶକ୍ତି ଶେଖରର ପତ୍ତା ମଧ୍ୟ ଲଗାଇ ପାରୁନି ପୋଲିସ।