ଦୀପାବଳି ଉପଲକ୍ଷେ ସାଧାରଣ ଲୋକଙ୍କୁ ଲାଗିବାକୁ ଯାଉଛି ଏକ ବଡ ଝଟକା । ନଭେମ୍ବର ପହିଲାରୁ ବଦଳି ଯାଉଚି ଦୈନଦିନ ଜୀବନର ଅନେକ ନିୟମ । ଯାହା ସଧାରଣ ଲୋକଙ୍କ ଉପରେ ସିଧାସଳଖ ପ୍ରଭାବ ପକାଇବ । ନଭେମ୍ବର ୧ ତାରିଖ ଅର୍ଥାତ ଅଜିଠୁ ବ୍ୟାଙ୍କରେ ପଇସା ଜମା କରିବା ଏବଂ ଉଠାଣ ପାଇଁ ଏଣିକି ଶୁଳ୍କ ଦେବାକୁ ହେବ । ସେହିପରି ଆସନ୍ତାକାଲି ଠାରୁ ଗ୍ୟାସ ବୁକିଂ ତାରିଖ ମଧ୍ୟ ବଦଳିବାକୁ ଯାଉଛି । ଏହା ସଙ୍ଗେ ରେଲୱେ ପକ୍ଷରୁ କିଛି ଟ୍ରେନ ସମୟ ମଧ୍ୟ ପରିବର୍ତ୍ତନ କରାଯାଇଛି । ତେବେ ଜାଣନ୍ତୁ କେମିତି ଭାରି ପଡିବ ଏହି ନୂଆ ନିୟମ- ଦିପାବଳୀ ପୂର୍ବରୁ ନଭେମ୍ବର ମାସ ପହିଲାରୁ ଆରମ୍ଭ ହୋଇଛି ମହଙ୍ଗା ମାଡ । ଖାସ କରି ଏଲପିଜି ଉପରେ ମୁଦ୍ରାସ୍ଫୀତି ବୋମା ବିସ୍ଫୋରଣ ହୋଇଛି । ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ଆଜି ୨୬୫ ଟଙ୍କା ବୃଦ୍ଧି କରାଯାଇଛି । ଏହା ଏକ ଆଶ୍ୱସ୍ତିକର ବିଷୟ ଯେ ଏହି ବୃଦ୍ଧି କେବଳ ବ୍ୟବସାୟିକ ସିଲିଣ୍ଡରରେ ଘଟିଛି । ସେହିପରି ନଭେମ୍ବର ୧ ତାରିଖରୁ LPG Cylinder ବୁକିଂ ଏବଂ ଡେଲିଭରୀ ତାରିଖ ବଦଳିବାକୁ ଯାଉଛି । ନୂଆ ନିୟମ ମୁତାବକ, ଗ୍ୟାସ ବୁକିଂ ପରେ ଗ୍ରାହକଙ୍କୁ ସେମାନଙ୍କ ରେଜିଷ୍ଟର୍ଡ ମୋବାଇଲ ନମ୍ବରରେ OTP ଆସିବ । OTP ବିନା ବୁକିଂ ସମ୍ଭବ ହେବ ନାହିଁ । ଘରେ ସିଲିଣ୍ଡର ପହଞ୍ଚାଉଥିବା ଡେଲିଭରୀ ବଏକୁ ଏହି OTP ଜଣାଇବା ପରେ ସେ ଗ୍ରାହକଙ୍କୁ ସିଲିଣ୍ଡର ହସ୍ତାନ୍ତର କରିବ । କହିରଖୁଛୁ କି, ସିଲିଣ୍ଡର ଡେଲିଭରୀ ପଲିସି ଅନୁଯାୟୀ, ଭୁଲ ଠିକଣା ଏବଂ ମୋବାଇଲ ନମ୍ବର ଦେଇଥିବା ଗ୍ରାହକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ଗ୍ୟାସ ସିଲିଣ୍ଡର ଡେଲିଭରି କରୁଥିବା କମ୍ପାନୀ ସମସ୍ତ ଗ୍ରାହକଙ୍କୁ ନିଜର ନାମ, ଠିକଣା, ମୋବାଇଲ ନମ୍ବର ଅପଡେଟ କରିବାକୁ ପରାମର୍ଶ ଦେଇଛନ୍ତି । ଅନ୍ୟ ପକ୍ଷରେ ପହିଲାରୁ ବ୍ୟାଙ୍କରେ ପଇସା ଜମା କରିବା ଏବଂ ଉଠାଇବା ପାଇଁ ଚାର୍ଜ ଦେବାକୁ ପଡିବ । ଏହି ନୂଆ ନିୟମ ବ୍ୟାଙ୍କ ଅଫ ବରୋଦାରେ ଲାଗୁ ହୋଇଗଲାଣି । BOB ମୁତାବକ, ପହିଲାରୁ ଗ୍ରାହକଙ୍କୁ ଋଣ ଆକାଉଣ୍ଟ ପାଇଁ ୧୫୦ ଟଙ୍କା ଦେବାକୁ ପଡିବ । ନୂଆ ନିୟମ ଅଧିନରେ ସଞ୍ଚୟ ଖାତାରେ ତିନି ଥର ରାଶି ଜମା କରିବା ନିଃଶୁଳ୍କ ଅଟେ । ହେଲେ ଚତୁର୍ଥ ଥର ପରଠାରୁ ୪୦ ଟଙ୍କା ଦେୟ ଦେବାକୁ ପଡିବ । ତେବେ ଜନଧନ ଖାତାଧାରକଙ୍କ କ୍ଷେତ୍ରରେ ଏହି ନୂଆ ନିୟମ ଲାଗୁ ହେବନାହିଁ । ଜନଧନ ଖାତାଧାରକଙ୍କୁ ତିନିରୁ ଉର୍ଦ୍ଧ୍ବ ଥର ଟଙ୍କା ଜମା କରିବା ପାଇଁ କୌଣସି ଚାର୍ଜ ଦେବାକୁ ପଡିବ ନାହିଁ । କେବେଳ ଟଙ୍କା ଉଠାଣ ପାଇଁ ସେମାନେ ୧୦୦ ଟଙ୍କା ଚାର୍ଜ ଦେବେ । ଏହା ସହିତ ଲୋକଙ୍କର ନିତ୍ୟ ବ୍ୟବହାର୍ଯ୍ୟ ଆଇଫୋନ ଏବଂ ଆଣ୍ଡ୍ରଏଡ ଫୋନରେ Whatsapp କାମ କରିବା ବନ୍ଦ ହୋଇଯିବ । Whatsappରେ ଦିଆଯାଇଥିବା ସୂଚନା ଅନୁଯାୟୀ, ଏହି ସୋସିଆଲ ମିଡିଆ ପ୍ଲାଟଫର୍ମ 4.0.3 Ice Cream Sandwich, iOS 9, ଏବଂ KaiOS 2.5.0ରେ ସପୋର୍ଟ କରିବ ନାହିଁ । ଖାଲି ଏତିକି ନୁହେଁ ,,ନଭେମ୍ବର ଆରମ୍ଭରୁ ସାରା ଦେଶରେ ଟ୍ରେନ ଟାଇମ ଟେବୁଲ ବଦଳି ଯିବ । ପୂର୍ବରୁ ଏହି ପରିବର୍ତ୍ତନ ଅକ୍ଟୋବର ପହିଲାରେ ହେବାକୁ ଥିଲା । ମାତ୍ର ପରେ ଏହି ଅବଧି ନଭେମ୍ବର ୧କୁ ବୃଦ୍ଧି କରାଯାଇଥିଲା । ଦେଶବ୍ୟାପୀ ୧୩ ହଜାର ପାସେଞ୍ଜର ଟ୍ରେନ ଏବଂ ୭ ହଜାର ମାଲଗାଡିର ଟାଇମ ଟେବୁଲ ବଦଳିବ । ଭାରତରେ ଚାଲୁଥିବା ପ୍ରାୟ ୩୦ ରାଜଧାନୀ ଟ୍ରେନ ସମୟ ମଧ୍ୟ ପରିବର୍ତ୍ତିତ ହେବ । ବ୍ୟୁରୋ ରିପୋର୍ଟ୍ nns ଓଡ଼ିଆ
