ଜଗା ଦର୍ଶନ କଲେ ମୁଖ୍ୟମନ୍ତ୍ରୀ

ପୁରୀ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ପୁରୀ ଗସ୍ତରେ। କରୋନା ପରେ ପ୍ରଥମ ଥର ପାଇଁ ଶ୍ରୀମନ୍ଦିର ଯାଇ ଶ୍ରୀଜିଉଙ୍କ ଦର୍ଶନ କରୁଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ପୂର୍ବରୁ ମହାପ୍ରଭୁଙ୍କୁ ଦର୍ଶନ କରିପାରିନଥିଲେ ନବୀନ। କୋଭିଡ କଡକଣା ମଧ୍ୟରେ ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିର ଖୋଲିବା ପରେ ପୁରୀ ଗସ୍ତ କରୁଛନ୍ତି ନବୀନ। ଏନେଇ ଟିଟ୍ କରି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ। ମହାପ୍ରଭୁଙ୍କ ଦର୍ଶନ ପାଇଁ ନବୀନ ଉତ୍ସାହିତ ଥିବା ଟ୍ୱିଟ୍ରେ ଲେଖିଛନ୍ତି ନବୀନ। ସବୁ ସେହି ଲୀଳାମୟ ଜଗନ୍ନାଥ ଇଛା ବୋଲି କହିବା ସହ ଜୟ ଜଗନ୍ନାଥ ବୋଲି କହିଛନ୍ତି। ଶେଷଥର ପାଇଁ ଗତ ବର୍ଷ ୧୭ ଅକ୍ଟୋବରରେ ପୁରୀରେ ଶ୍ରୀଜଗନ୍ନାଥ ହେରିଟେଜ୍ କରିଡର ପ୍ରୋଜେକ୍ଟର ସମୀକ୍ଷା କରିଥିଲେ ନବୀନ। ଆଜି ମହାବାହୁଙ୍କୁ ଦର୍ଶନ କରି ଆଶିଷ ଲାଭ କରିବେ ନବୀନ। ସେପଟେ ମୁଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ଶ୍ରୀମନ୍ଦିରରେ ସୁରକ୍ଷା ବ୍ୟବସ୍ଥା ଓ ଗସ୍ତ ପ୍ରସ୍ତୁତିର ଯାଞ୍ଚ ଓ ତଦାରଖ କରିଛନ୍ତି ଜିଲ୍ଲାପାଳ ଓ ଏସପି।