– ଯୁବକଙ୍କ ଛୁରା ମାଡ଼ରେ ଚାଲିଗଲା ମହିଳାଙ୍କ ଜୀବନ । ଗତକାଲି ରାତିରେ କଟକ ନେହେରୁ ପଲ୍ଲୀ ଅଞ୍ଚଳରେ ଥିବା ଦେବେନ୍ଦ୍ର ନଗର ବସ୍ତିରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସେପଟେ ସିଆରଆରଆଇ ଥାନା ପୋଲିସ ଅଭିଯୁକ୍ତକୁ ଗିରଫ କରିଥିବା ବେଳେ ଅଭିଯୁକ୍ତ ବିରୋଧ ରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଅତିରିକ୍ତ ଡିସିପି । ମୃତ ମହିଳାଙ୍କ ନାମ ଭାରତୀ ସାହୁ । ରାତିରେ ସେହି ଅଞ୍ଚଳର ମୁନା ନାମକ ଜଣେ ଯୁବକ ହଠାତ ଭାରତୀଙ୍କୁ ଭୁଜାଲି ରେ ଆକ୍ରମଣ କରିଥିଲେ । ଯାହା ଫଳରେ ଗୁରୁତର ଅବସ୍ଥାରେ ତାଙ୍କୁ ବଡ଼ ମେଡିକାଲ କୁ ସ୍ଥାନାନ୍ତରିତ କରାଯାଇଥିବା ବେଳେ ଡାକ୍ତର ମୃତ ଘୋଷଣା କରିଥିଲେ। ସେହିଭଳି ଅଭିଯୁକ୍ତ ମୁନା ନାମ ରେ ପୂର୍ବରୁ ଅନେକ ଅପରାଧିକ ମାମଲା ରହିଥିବା ବେଳେ ସେ ପୂର୍ବରୁ ଭାରତୀ ଙ୍କ ବଡ଼ ଝିଅକୁ ଅସଦ ବ୍ୟବହାର କରିବା ଅଭିଯୋଗରେ ଜେଲ ମଧ୍ୟ ଯାଇଥିଲେ।
ପ୍ରତିଶୋଧ ପରାୟଣ ହୋଇ ମୁନା ଏଭଳି ହତ୍ୟା କାଣ୍ଡ ଘଟାଇଥିବା କଥା କହିଛନ୍ତି ମୃତ ଭାରତୀଙ୍କ ଝିଅ । ଅନ୍ୟପଟେ ଅଭିଯୋଗକୁ ଆଧାର କରି ଅଭିଯୁକ୍ତ ବିରୋଧରେ ସିଆରଆରଆଇ ଥାନରେ ଏକ ମାମଲା ରୁଜ୍ଜ ହୋଇଥିଲା । ପୂର୍ବରୁ ମଧ୍ୟ ଅଭିଯୁକ୍ତ ମୁନା ମୃତ ମହିଳାଙ୍କ ବଡ଼ ଝିଅଙ୍କୁ କମେଣ୍ଟ ପାସ କରି ଥାନାକୁ ଯାଇଥିଲା । ଆମେ ଏ ଘଟଣା ଦିଗରେ ତଦନ୍ତ ଜାରି ରଖିଛୁ । ଅଭିଯୁକ୍ତ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଅତିରିକ୍ତ ଡିସିପି ଅନିଲ ମିଶ୍ର । ଏସବୁ ପରେ ମଧ୍ୟ ପୋଲିସ ଅଭିଯୁକ୍ତ ମୁନା ବିରୋଧରେ କେତେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହା ଦେଖିବାକୁ ବାକିରହିଲା l
