କ୍ୟାବ ଡ୍ରାଇଭର ବଞ୍ଚାଇଦେଲେ ମହିଳାଙ୍କ ଜୀବନ ,., ମହିଳାଙ୍କ ଚୁଟକିୁ ଧରି ଉପରକୁ ଟାଣି ଆଣିଲେ । ମୃତ୍ୟୁ ମୁଖରୁ ଫେରିଆସିଲେ .., ମାତ୍ର କିଛି ସେକେଣ୍ଡ ଯଦି ବିଳମ୍ଭ ହୋଇଥାାଅନ୍ତା ମହିଳା ଜଣଙ୍କର ଜୀବନ ଚାଲିଯାଇଥାଆନ୍ତା .., ହେଲେ ଦେବଦୂତ ସାଜିଲେ କ୍ୟାବ ଡ୍ରାଇଭର । ମୁମ୍ବାଇର ଅଟଳ ସେତୁ ଉପରେ ଘଟିଛି ଲୋମଟାଙ୍କୁରା ଘଟଣା। ଜଣେ ମହିଳା ସମୁଦ୍ରକୁ ଡେଇଁବାକୁ ଉଦ୍ୟତ ହେଉଥିବା ବେଳେ ଦେବଦୂତ ସାଜିଲେ କ୍ୟାବ ଡ୍ରାଇଭର। ଡ୍ରାଇଭରଜଣକ ମହିଳାଙ୍କ ଚୁଟି ଟାଣି ଆଣି ତାଙ୍କ ଜୀବନ ରକ୍ଷା କରିଛନ୍ତି। ଏଥିସହ ଘଟଣାସ୍ଥଳରେ ଉପସ୍ଥିତ ଟ୍ରାଫିକ୍ ପୁଲିସ୍ କର୍ମୀ ବି ନିଜ ଜୀବନକୁ ବାଜି ଲଗାଇ ମହିଳାଙ୍କୁ ଉଦ୍ଧାର କରିଛନ୍ତି। ଏହାର ଭିଡିଓ ଅଟଳ ସେତୁରେ ଲାଗିଥିବା ସିସିଟିଭିରେ କଏଦ ହୋଇଥିବା ବେଳେ ଏପରି ଛାତିଥରା ଦୃଶ୍ୟ ଏବେ ଭାଇରାଲ ହେବାରେ ଲାଗିଛି। ପୁଲିସ୍ ସୂଚନା ଅନୁଯାୟୀ, ଗତକାଲି ସନ୍ଧ୍ୟା ବେଳେ ଜଣେ ମହିଳା କାର୍ରେ ଅଟଳ ସେତୁ ଉପରେ ଯାଉଥିଲେ। ପାଣିକୁ କିଛି ଧାର୍ମିକ ଫଟୋ ଫୋପାଡ଼ିବା ନିମନ୍ତେ ସେ ବ୍ରିଜ ମଝିରେ କ୍ୟାବ୍ ଡ୍ରାଇଭର ସଞ୍ଜୟ ଯାଦବଙ୍କୁ ରହିବାକୁ କହିଥିଲେ। ଏନେଇ ଅଟଳ ସେତୁରେ ମୁତୟନ ଥିବା ଟ୍ରାଫିକ୍ ପୁଲିସ୍ କଣ୍ଟ୍ରୋଲ ରୁମ୍କୁ ଏକ କଲ୍ ଆସିଥିଲା। ଅଟଳ ସେତୁରେ ଏକ କାର୍ ଅଟକି ଥିବା ବେଳେ ଭିତରୁ ଜଣେ ମହିଳା ବାହାରି ରେଲିଂ ନିକଟକୁ ଯାଇଥିବା ସୂଚନା ମିଳିଥିଲା। ତୁରନ୍ତ ଟ୍ରାଫିକ୍ ପୁଲିସ୍ ଘଟଣାସ୍ଥଳ ଅଭିମୁଖେ ଯାଇଥିଲେ।
ଉକ୍ତ ସମୟରେ ମହିଳା ଜଣକ ସମୁଦ୍ରକୁ ଡେଇଁବାକୁ ଉଦ୍ୟମ କରୁଥିଲେ। ମାତ୍ର କ୍ୟାବ୍ ଡ୍ରାଇଭରଜଣକ ତାଙ୍କ ଚୁଟି ଟାଣି ଧରିଥିଲେ। ଟ୍ରାଫିକ୍ ପୁଲିସ୍ ପହଞ୍ଚି ତୁରନ୍ତ ରେଲିଂ ଡେଇଁ ମହିଳାଙ୍କୁ ସୁରକ୍ଷିତ ଭାବେ ବ୍ରିଜ ଉପରକୁ ଆଣିଥିଲେ। ତୁରନ୍ତ ମହିଳାଙ୍କୁ ନିକଟସ୍ଥ ପୁଲିସ୍ ଷ୍ଟେଶନକୁ ନିଆଯିବା ସହ ତାଙ୍କ ପରିବାରବର୍ଗଙ୍କୁ ସୂଚନା ଦିଆଯାଇଥିଲା। ପରିବାର ସଦସ୍ୟ ପହଞ୍ଚି ମହିଳାଙ୍କୁ ନେବା ସହ ତାଙ୍କ ମାନସିକ ଭାର ସାମ୍ୟ ଠିକ୍ ରହୁ ନ ଥିବା କହିଥିଲେ।
