ଚମ୍ପୁଆରେ ଦୁର୍ଘଟଣା, ଗଲା ୬ ଜୀବନ

କେନ୍ଦୁଝର: କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ରିମୁଳି କଲେଜ ପାଖ ୫୨୦ ନମ୍ବର ଜାତୀୟ ରାଜପଥ ବାଇପାସ ଛକ ନିକଟରେ ଏକ ମର୍ମନ୍ତୁଦ କାର ଦୁର୍ଘଟଣାରେ ୬ ଜଣ ମୃତ୍ୟୁବରଣ କରିଛନ୍ତି। ଗତ ରାତିରେ ରିମୁଳି କଲେଜ ବାଇପାସ ଛକ ନିକଟରେ ଦୁଇ ଟ୍ରକ ମଧ୍ୟରେ ଏକ କାରଚିପି ହୋଇଯାଇ ଥିବା ଯୋଗୁଁ ୬ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। କାରଟି ଆଗରେ ଥିବା ଟ୍ରକକୁ ଧକ୍କା ଦେବା ପରେ ପଛରେ ଆସୁଥିବା ଟ୍ରକ କାରକୁ ଧକ୍କା ଦେଇଥିଲା। ଫଳରେ ଦୁଇ ଟ୍ରକ ମଧ୍ୟରେ ଚାପି ହୋଇ କାରରେ ଡ୍ରାଇଭର ସମେତ ବସିଥିବା ୫ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଛି। କାରଟି ସଞ୍ଜୟ ମହାକୁଡ଼ଙ୍କର ବୋଲି ଜଣାପଡିଛି। କାରରେ ସଞ୍ଜୟ ମହାକୁଡଙ୍କ ସହିତ ତାଙ୍କ ୧୨ ବର୍ଷର ଝିଅ ପିହୁ, ସ୍ତ୍ରୀ ସନ୍ଧ୍ୟା, ଶାଳୀ ଲୁସି ପଲେଇ ,ଶାଶୁ ଫୁଲନ୍ତି ପଲେଇ ଓ ଡ୍ରାଇଭର ପ୍ରମୋଦ ପଲେଇ ଥିଲେ । ଦୁର୍ଘଟଣା ଖବରପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଞ୍ଚିଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ ବିଭାଗର କର୍ମଚାରୀ ମନେ ଘଟଣାସ୍ଥଳରେ ପହଞ୍ଚିବା ପରେ କଟର ଯୋଗେ କାର କୁ କାଟି ମୃତକମାନଙ୍କୁ କାରରୁ ବାହାର କରିବା ପରେ ଚମ୍ପୁଆ ପୋଲିସ ମାଜିଷ୍ଟ୍ରେଟଙ୍କ ଉପସ୍ଥିତିରେ ଶବ ଗୁଡ଼ିକୁ ଉପଖଣ୍ଡ ଚିକିତ୍ସାଳୟକୁ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି । ଅନ୍ୟପଟେ ଆଜି ସକାଳୁ ଚମ୍ପୁଆ ଡାକ୍ତରଖାନାରେ ସମସ୍ତ ମୃତକଙ୍କ ଶବ ବ୍ୟବଚ୍ଛେଦ କରାଯାଇଛି ।