ଘୋଷଣା ହେଲା ବିଜେଡିର ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା

ପୂର୍ବରୁ ବିଜେଡିର ପାଞ୍ଚଟି ପର୍ଯ୍ୟାୟରେ ପ୍ରାର୍ଥୀ ତାଲିକା ଘୋଷଣା ହୋଇସାରିଥିବା ବେଳେ ଆଜି ବିଜେଡି ପ୍ରମୁଖ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଷଷ୍ଠ ପର୍ଯ୍ୟାୟରେ ପ୍ରାର୍ଥୀ ତାଲିକା ଘୋଷଣା କରିଛନ୍ତି । ତେବେ ବଡଚଣାରୁ ଅଭିନେତ୍ରୀ ବର୍ଷା ପିୟଦର୍ଶିନୀ, ଚିଲିକାରୁ ରଘୁନାଥ ସାହୁ, ସାରସକଣାରୁ ଦେବାଶିଷ ମାର୍ଣ୍ଟି, କରଞ୍ଜିଆରୁ ବାସନ୍ତୀ ହେମ୍ବ୍ରମ, ରେମୁଣାରୁ ବିଦ୍ୟାସ୍ମିତା ମହାଳିକଙ୍କୁ ଟିକେଟ ମିଳିଥିବାବେଳେ ସିମୁଳିଆରୁ ସୁଭାଷିନୀ ସାହୁ, ଆନନ୍ଦପୁରର ଅଭିମନ୍ୟୁ ସେଠୀ, କେନ୍ଦ୍ରପଡାରୁ ଗଣେଶ୍ୱର ବେହେରା ଏବଂ ଚମ୍ପୁଆରୁ ସନାତନ ମହାକୁଡଙ୍କୁ ବିଧାୟକ ଟିକେଟ ଦିଆଯାଇଛି ।

ସେହିପରି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକାରେ ବିଜେଡିର ୫ଜଣ ବିଧାୟକଙ୍କ ଟିକେଟ କଟିଛି । ବଡଚଣାରୁ ଅମର ଶତପଥୀ, କେନ୍ଦ୍ରାପଡାରୁ ଶଶିଭୂଷଣ ବେହେରା, ସିମୁଳିଆରୁ ଜ୍ୟୋତି ପାଣିଗ୍ରାହୀଙ୍କ ବିଧାୟକ ଟିକେଟ କଟିଥିବାବେଳେ ଆନନ୍ଦପୁରରୁ ଭାଗିରଥୀ ସେଠୀ ଏବଂ ଚମ୍ପୁଆରୁ ମୀନାକ୍ଷୀ ମହାନ୍ତଙ୍କ ବିଧାୟକ ଟିକେଟ କଟିଛି ।