ନୂଆଦିଲ୍ଲୀ: ବିବାହ କଲେ ବ୍ରିଟିଶ୍ ପ୍ରଧାନମନ୍ତ୍ରୀ । ଗତକାଲି ବ୍ରିଟିସ୍ ପ୍ରଧାନମନ୍ତ୍ରୀ ବୋରିସ୍ ଜନସନ ୱେଷ୍ଟମିନିଷ୍ଟର କ୍ୟାଥେଡ୍ରାଲର ଏକ ଗୁପ୍ତ ସମାରୋହରେ ବିବାହ କରିଛନ୍ତି । କରୋନା କଟକଣା ଯୋଗୁଁ ବୋରିସ୍ ମାତ୍ର ୩୦ ଜଣ ଅତିଥିଙ୍କ ମଧ୍ୟରେ ବିବାହ କରିଥିବା ବେଳେ ହଠାତ୍ ବୋରିସ୍ ଜନସନ ବିବାହ କରିଥିବା ଜାଣିବାକୁ ମିଳିଛି ।ସେମାନଙ୍କ ମଧ୍ୟରେ ଜନସନ ଓ କ୍ୟାରୀଙ୍କ ପୁଅ ମଧ୍ୟ ଥିଲେ। ୨୦୨୦ ଏପ୍ରିଲ ୨୯ରେ ସେମାନଙ୍କର ଏହି ପୁତ୍ର ସନ୍ତାନ ଜନ୍ମ ହୋଇଥିଲା। ପୂର୍ବରୁ ବ୍ରିଟିସ୍ର ପ୍ରଧାନମନ୍ତ୍ରୀ ବୋରିସ୍ ଜନସନ କ୍ୟାରି ସିମଣ୍ଡସଙ୍କୁ ପ୍ରେମ କରିଆସୁଥିଲେ । ଗତକାଲି ବିଧିବଧ ଭାବେ କ୍ୟାରିଙ୍କ ହାତ ଧରିଛନ୍ତି ଜନସନ । ତେବେ ଜନସନଙ୍କ ଡାଉନିଂ ଷ୍ଟ୍ରିଟ୍ କାର୍ଯ୍ୟାଳୟର ମୁଖପାତ୍ର ଏହି ବିବାହ ଉପରେ କିଛି ସୂଚନା ଦେବାକୁ ମନାକରି ଦେଇଥିବା ସୂଚନା ମିଳିଛି ।
ଗୋପନରେ ବିବାହ କଲେ ବ୍ରିଟିଶ୍ ପ୍ରଧାନମନ୍ତ୍ରୀ
Plugin Install : Subscribe Push Notification need OneSignal plugin to be installed.
