ଗାଜା ହସ୍ପିଟାଲରେ ବିସ୍ଫୋରଣ, ୫୦୦ ଆତଙ୍କୀ ନିପାତ

() ଇସ୍ରାଏଲ-ହମାସ ମହାଯୁଦ୍ଧ ମଧ୍ୟରେ ବଡଖବର । ଗାଜାର ଅଲଆହଲି ଆରବୀ ହସ୍ପିଟାଲରେ ଗତକାଲି ଭୟଙ୍କର ରକେଟ ମାଡ ହୋଇଛି । ଏଥିରେ ପ୍ରାୟ ୫୦୦ ଲୋକଙ୍କ ମୃତ୍ୟୁ ହୋଇଥିବା ଗାଜା ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି । ଗାଜା ସହରର କେନ୍ଦ୍ରସ୍ଥଳରେ ଅବସ୍ଥିତ ଏହି ପ୍ରମୁଖ ହସ୍ପିଟାଲରେ ପ୍ରଚଣ୍ଡ ବିସ୍ଫୋରଣ ହୋଇଥିଲା । ଗାଜା ହସ୍ପିଟାଲ ଉପରେ ଇସ୍ରାଏଲ ବାୟୁସେନା ଆକ୍ରମଣ କରିଥିବା ଦାବି କରିଛି ହମାସ୍ । ଏପଟେ ରକେଟ ମାଡକୁ ଦୃଢ ଖଣ୍ଡନ କରିଛି ଇସ୍ରାଏଲ ସେନା । ଇସ୍ରାମିକ ଜିହାଦ ରକେଟ ମାଡ କରିଥିବା ଆଇ.ଡି.ଏଫ କହିଛି । ଲକ୍ଷ୍ୟଭ୍ରଷ୍ଟ ହୋଇ ରକେଟ ହସ୍ପିଟାଲ ଉପରେ ପଡିଥିବା ଇସ୍ରାଏଲ କହିଛି । ତେବେ ପ୍ରକୃତ କାରଣ ଖୋଜା ଚାଲିଛି । ବୋମାମାଡ଼ରେ ହସ୍ପିଟାଲ ଛାରଖାର ହୋଇଯାଇଛି ଏବଂ ଧ୍ୱଂସାବଶେଷ ତଳେ ଆହୁରି ଶତାଧିକ ଲୋକଙ୍କ ଶବ ରହିଛି ବୋଲି ଗାଜା ସ୍ୱାସ୍ଥ୍ୟ ମନ୍ତ୍ରାଳୟ କହିଛି । ଗାଜା ଛାଡ଼ିବା ପାଇଁ ପ୍ରସ୍ତୁତ ରହିଥିବା ପ୍ରାୟ ୨ ହଜାର ଲୋକ ଏହି ହସ୍ପିଟାଲ ପରିସରରେ ଆଶ୍ରୟ ନେଇଥିବା ସମୟରେ ଆକ୍ରମଣ ହୋଇଛି। ଯୁଦ୍ଧ ଭିତରେ ଆଜି ଇସ୍ରାଏଲ ଗସ୍ତରେ ଆମେରିକା ରାଷ୍ଟ୍ରପତି ଜୋ ବାଇଡେନ । ଏହିଗସ୍ତରେ ରାଷ୍ଟ୍ରପତି ବାଇଡେନ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁଙ୍କୁ ଭେଟି ଯୁଦ୍ଧ ବିଷୟରେ ଆଲୋଚନା କରିବେ ।