ଗଞ୍ଜେଇ ଭର୍ତ୍ତି ଇନଭା ଗାଡ଼ି ଜବତ,୪ ଗିରଫ

ଦାମୀ ଗାଡ଼ିରେ ହେଉଥିଲା ଗଞ୍ଜେଇ ଚୋରା ଚାଲାଣ, ଗଡ଼େଇ ଗଡ଼େଇ ଧରିଲା ପୋଲିସ । ଫୁଲବାଣୀରୁ ଏକ ଇନୋଭା ଗାଡ଼ିରେ ଗଞ୍ଜେଇ ଭର୍ତ୍ତି ହୋଇ ବାରିପଦାକୁ ଚୋରା ଚାଲାଣ ହେଉଥିବା ବେଳେ କୌଣସି ସୂତ୍ରରୁ ଖବର ପାଇ ଯଶିପୁର ଥାନା ଅଧିକାରୀଣି ସଂଯୁକ୍ତା ମାହାଳିକ ତାଙ୍କ ଟିମ୍ ସହ ଏହି ଇନୋଭା ଗାଡ଼ିକୁ ପିଛାକରି ଶେଷରେ ୪୯ ନଂ ଜାତୀୟ ରାଜପଥ ଛେଳିଗୋଧୂଳି ଟୋଲ ଗେଟ୍ ନିକଟରେ ସେମାନଙ୍କୁ ଧରିବାରେ ସଫଳ ହୋଇଥିଲେ, ୪ ଗଞ୍ଜେଇ ମାଫିଆଙ୍କୁ ଗିରଫ କରି ସେମାନଙ୍କ ନିକଟରୁ ଏକ ଗଞ୍ଜେଇ ଭର୍ତ୍ତି ଗାଡ଼ି ସହ ୪୪ କେଜି ଗଞ୍ଜେଇ ଜବତ କରିଥିଲେ, ଜବତ୍ ଗଞ୍ଜେଇର ବଜାରରେ ଆନୁମାନିକ ମୂଲ୍ୟ ସାଢ଼େ ୪ ଲକ୍ଷ ହୋଇଥିବା ବେଳେ ୪ ଜଣ ଗଞ୍ଜେଇ ମାଫିଆଙ୍କୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୋଲିସ୍, ତେବେ ଏହି ଗଞ୍ଜେଇ ମାଫିଆ ମାନେ କନ୍ଧମାଳ ଜିଲ୍ଲା ଗଛାପଡ଼ା ଥାନା ଅଞ୍ଚଳର ବୋଲି ଜଣାପଡିଛି ।