<h3>ରାଜ୍ୟରେ ପ୍ରଥମ ପର୍ଯ୍ୟାୟ ଭୋଟିଂ ସରିଥିବାବେଳେ ଆଜି ଖୋର୍ଦ୍ଧା ଜିଲ୍ଲା ପାଇଁ ଲଞ୍ଚ ହେଲା ମୋ ବୁଥ ଆପ୍ । ଏହି ଆପ୍ କୁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ ଖୋର୍ଦ୍ଧାରେ ପ୍ରେସମିଟ କରି ବିଧିବଦ୍ଧ ଭାବେ ଉନ୍ମୋଚନ କରିଛନ୍ତି । ଏହି ଆପ୍ ଦ୍ୱାରା କିଏ କେଉଁଠି ଭୋଟ ଦେବେ ତାହା ସହଜରେ ଜାଣିହେବ । ଏହି ଆପ୍ ଟିକୁ ଆଣ୍ଡ୍ରଏଡ ଫୋନ୍ ବ୍ୟବହାରକାରୀଙ୍କ ପାଇଁ ଉପଲବ୍ଧ କରାଇଦିଆଯାଇଛି ଏବଂ ଆଇଓଏସ ୟୁଜରଙ୍କ ପାଇଁ ୱେବ ବ୍ରାଉଜର ଲିଙ୍କ ସେୟାର କରିଦିଆଯିବ ଯାହା ଦ୍ୱାରା ୟୁଜରମାନେ ଅନଲାଇନ ମାଧ୍ୟମରେ ତାଙ୍କର ମତଦାନ କରିପାରିବେ । ତେବେ ଏହି ଆପ୍ ଲଞ୍ଚ ହେବା ପରେ ଆଶା କରାଯାଉଛି ଯେ, ରାଜ୍ୟରେ କୌଣସି ଭୋଟରଙ୍କ ମତଦାନ ଅପୂରଣୀୟ ହୋଇରହିବନାହିଁ ।ବର୍ତ୍ତମାନ ରାଜ୍ୟର କୋଣ ଅନୁକୋଣରେ ଥିବା ସମସ୍ତ ଭୋଟର ଏହି ଆପ୍ ଜରିଆରେ ନିଜର ମତଦାନ କରିପାରିବେ ।</h3>
