କ୍ରିକେଟ ଖେଳିବାକୁ ପାକିସ୍ତାନ ଯିବ ଭାରତୀୟ କ୍ରିକେଟ ଟିମ !

କ୍ରିକେଟ ଖେଳିବାକୁ ପାକିସ୍ତାନ ଯିବ ଭାରତୀୟ କ୍ରିକେଟ ଟିମ । ଆସନ୍ତା ବର୍ଷ ପାକିସ୍ତାନରେ ହେବାକୁ ଥିବା ଚାମ୍ପିୟନ୍ସ ଟ୍ରଫି ଖେଳିବାକୁ ଭାରତୀୟ ଟିମ୍ ପାକିସ୍ତାନ ଯାଇପାରେ । ଏଥିପାଇଁ ରହିଛି ସର୍ତ, ଯଦି କେନ୍ଦ୍ର ସରକାର ଯିବାକୁ ଅନୁମତି ଦେବ ତେବେ ଭାରତୀୟ ଟିମ ପାକିସ୍ତାନ ଯିବ ବୋଲି କହିଛନ୍ତି ବିସିସିଆଇ ଉପସଭାପତି ରାଜୀବ ଶୁକ୍ଳା ।
୨୦୨୫ ଫେବ୍ରୁଆରୀରୁ ମାର୍ଚ୍ଚ ମଧ୍ୟରେ ଆଇସିସି ଚାମ୍ପିୟନ୍ସ ଟ୍ରଫି ଖେଳାଯିବାର ଥିବା ବେଳେ । ୫୦ ଓଭର ବିଶିଷ୍ଟ ଏହି ଟୁର୍ଣ୍ଣାମେଂଟରେ ଆୟୋଜକ ଦେଶ ସହ ବିଶ୍ୱର ଶ୍ରେଷ୍ଠ ୮ ଦଳ ଖେଳିବେ । ଗତ ବର୍ଷ ପାକିସ୍ତାନ ଏସିଆ କପର ଆୟୋଜନ କରିଥିବା ବେଳେ ଭାରତ କିନ୍ତୁ ପାକିସ୍ତାନ ଯାଇନଥିଲା । ଏଥିପାଇଁ ପ୍ରସ୍ତୁତ କରାଯାଇଥିଲା ହାଇବ୍ରିଡ ମଡେଲ । ଭାରତ ତାର ସବୁ ମ୍ୟାଚ ଶ୍ରୀଲଙ୍କାରେ ଖେଳିଥିଲା । ଭାରତ ନଯିବାକୁ ନେଇ ପାକିସ୍ତାନ ଆଣିଥିଲା ଅଭିଯୋଗ ।
ତେବେ ଚାମ୍ପିୟନ୍ସ ଟ୍ରଫି ପାକିସ୍ତାନରେ ତିନି ଷ୍ଟାଡିୟମ କରାଚି, ଲାହୋର ଏବଂ ରାୱଲପିଣ୍ଡିରେ ଖେଳାଯିବାର ଅଛି । ଯଦି ଭାରତ ଯାଏ ତେବେ କେବଳ ଲାହୋରରେ ଭାରତ ମ୍ୟାଚ ଖେଳିବ ବୋଲି ଇଏସପିଏନ ରିପୋର୍ଟରେ କୁହାଯାଇଛି ।