କ୍ରିକେଟରୁ ସନ୍ନ୍ୟାସ ନେବେ ରୋହିତ!

ଟି୨୦ ବିଶ୍ୱକପ ପରେ କ୍ରିକେଟରୁ ସନ୍ନ୍ୟାସ ନେଇପାରନ୍ତି ରୋହିତ ଶର୍ମା ।ଏନେଇ ଏବେ ଚର୍ଚ୍ଚା ଜୋର ଧରିଛି । ଖାଲି ସେତିକି ନୁହେଁ, ଆଲୋଚନା ହେଉଛି କି ରୋହିତ ଶର୍ମା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ଅବସର ନେବାକୁ ଯାଉଛନ୍ତି । ଚଳିତ ଟି୨୦ ବିଶ୍ୱକପ ଟିମରେ ହାର୍ଦ୍ଦିକଙ୍କୁ ସ୍ଥାନ ମିଳିବା ପରେ ରୋହିତଙ୍କ ଅବସର ନେଇ ଚର୍ଚ୍ଚା ଆରମ୍ଭ ହୋଇଛି । କାରଣ ହାର୍ଦ୍ଦିକ ପାଣ୍ଡ୍ୟାଙ୍କୁ ଟିମରେ ସାମିଲ କରିବାରୁ ବିରୋଧ କରୁଥିଲେ ରୋହିତ ଓ ମୁଖ୍ୟ ଚୟନକର୍ତା ଅଜିତ ଆଗରକର ।ତେବେ ହାର୍ଦ୍ଦିକଙ୍କୁ କେବଳ ଦଳରେ ସ୍ଥାନ ମିଳିନି ତାସହ ତାଙ୍କୁ ଦଳର ଉପ ଅଧିନାୟକ ଦାୟିତ୍ୱ ମଧ୍ୟ ମିଳିଛି ।ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ଦଳର ଅଧିନାୟକ ଅଛନ୍ତି ହାର୍ଦ୍ଦିକ ପାଣ୍ଡ୍ୟା ।ରୋହିତଙ୍କ ସ୍ଥାନରେ ତାଙ୍କୁ ଅଧିନାୟକ କରାଯାଇଛି । ତେବେ ତାଙ୍କ ନେତୃତ୍ୱରେ ଦଳ ଅତି ଖରାପ ପ୍ରଦର୍ଶନ କରି ପ୍ଲେଅଫକୁ ବି ଯାଇ ପାରିନାହିଁ । ଏଭଳି ସ୍ଥିତିରେ ରୋହିତ ଶର୍ମାଏବଂ ଅଜିତ ଆଗରକର ହାର୍ଦ୍ଦିକଙ୍କୁ ଟି୨୦ ଦଳରେ ନେବା ପାଇଁ ଚାହୁଁନଥିଲେ । ହାର୍ଦ୍ଦିକ ମନୋନୀତ ହେବା ପରେ  ରୋହିତ କ୍ରିକେଟରୁ ସନ୍ନ୍ୟାସ ନେବେ ବୋଲି ଚର୍ଚ୍ଚା ଜୋର ଧରିଛି ।ଅନ୍ୟପଟେ ରୋହିତ ଏବଂ ହାର୍ଦ୍ଦିକଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ହିଁ ମୁମ୍ବାଇ ଇଣ୍ଡିଆନ୍ସର ଖରାପ ପ୍ରଦର୍ଶନ ପାଇଁ ଦାୟୀ ବୋଲି କ୍ରିକେଟ ଏକ୍ସପର୍ଟମାନେ କହୁଛନ୍ତି । ତେବେ ଆଗକୁ ରୋହିତ ଆଉ କେତୋଟି ମ୍ୟାଚ ଖେଳୁଛନ୍ତି ଏବଂ ବିସିସିଆଇ ତାଙ୍କୁ ଆଉ କେତୋଟି ସୁଯୋଗ ଦେଉଛି ସେନେଇ ତାଙ୍କ ଫ୍ୟାନ୍ସମାନେ ଅପେକ୍ଷା କରିଛନ୍ତି ।