କେନ୍ଦ୍ରାପଡା ବ୍ଲକ ତରାଣ୍ଡ ଗାଁରେ ଜମିବାଡି ବିବାଦକୁ ନେଇ ଏକ ପାରିବାରିକ ହିଂସାକାଣ୍ଡ ଘଟିଛି । ଭାଇବୋହୁର ପନିକୀଶଚୋଟରେ ଦେଢଶୂର ଆହତ ହୋଇଥିବା ଅଭିଯୋଗ ହୋଇଛି । ଦେଢଶୁରଙ୍କ ସମେତ ଯାଆ ଦିଅର ଓ ଶାଶୁ ମଧ୍ୟ ଖଣ୍ଡିଆଖାବରା ହୋଇ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ତରାଣ୍ଡୋ ଗାଁର ଗୋଟିଏ ପରିବାରର ୪ ଭାଇ ଓ ମା’ ଙ୍କ ମଧ୍ୟରେ ହୋଇଛି ଏହି ରକ୍ତାକ୍ତ ସଂଗ୍ରାମ । ଏହି ଗାଁର ଗଙ୍ଗାଧର ନାୟକ, ସାନଭାଇ ସନାତନ ନାୟକ, ସ୍ତ୍ରୀ ସରୋଜିନୀ ନାୟକ ଓ ମା’ ଜୟନ୍ତୀ ନାୟକ ଆହତ ହୋଇଛନ୍ତି । ଘରଛପରକୁ କେନ୍ଦ୍ରକରି ଏହି ଘଟଣା ଘଟିଥିବା ଅଭିଯୋଗ ହୋଇଛି । ଦିର୍ଘଦିନ ହେବ ଏହି ଜମିବାଡି ଗଣ୍ଡଗୋଳ ସମ୍ପର୍କରେ ନିକିରାଇ ଥାନାରେ ପୃଥକ ପୃଥକ ଅଭିଯୋଗ ହୋଇଥିଲା ।
