କାହିଁକି ଆତ୍ମହତ୍ୟା ଉଦ୍ୟମ କଲେ ନୂଆ ସରପଞ୍ଚ?

ପୂର୍ବତନ ସରପଞ୍ଚଙ୍କ ଘରେ ବିଷ ପିଇ ଆତ୍ମହତ୍ୟା ଉଦ୍ୟମ ନୂତନ ମହିଳା ସରପଞ୍ଚ. ବରଗଡ ଜିଲ୍ଲା ଗାଇସିଲେଟ ବ୍ଲକ ତାଲପାଲି ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା. ଆତ୍ମହତ୍ୟା ଉଦ୍ୟମ କରିଥିବା ମହିଳା ସରପଞ୍ଚ ଙ୍କ ପୁଅ କହିବାନୁସାରେ ତାଲ ପାଲି ପଞ୍ଚାୟତରେ ଉର୍ମିଳା ସେଠ ମହିଳା ଜଣକ ସରପଞ୍ଚ ଭାବେ ଏବେ କାର୍ୟ୍ୟରତ ଅଛନ୍ତି । ତେବେ ଏହି ପଂଚାୟତର ପୂର୍ବତନ ସରପଞ୍ଚ ଚୈତନ୍ୟ ସାହୁ ସବୁ ବେଳେ ବେନିୟମ ଭାବେ ବିଭିନ୍ନ ପଞ୍ଚାୟତ ସ୍ତରୀୟ କାମ ମାନ କରାଇବାକୁ ଉର୍ମିଳାଙ୍କୁ ଧମକ ଦେଇ ଆସୁଥିଲେ । ଏହାସହ ଯଦି ତାଙ୍କ କଥା ନ ମାନି ଚାଲିବ ତା ହେଲେ ସରପଞ୍ଚ ପଦରୁ ଅନାସ୍ଥା ଆଣି ହଟା ଯିବ ବୋଲି କିଛି ୱାର୍ଡ ସଭ୍ୟ ମାନଙ୍କୁ ହାତରେ ରଖି ନୂତନ ସରପଞ୍ଚ ଙ୍କୁ ହଇରାଣ କରି ଆସୁଥିଲେ। ଏ ସବୁ ଘଟଣା ନେଇ ମହିଳା ସରପଞ୍ଚ ଙ୍କୁ ଚୈତନ୍ୟ ସାହୁ ଘରକୁ ଡ଼ାକି ମାନସିକ ନିର୍ୟାତନା ଦେବା ସହ ତାଙ୍କୁ ସରପଂଚ ପଦରୁ ହଟାଇଦେବାକୁ ମଧ୍ୟ ଧମକ ଦେଇଥିଲେ । ଯାହାକୁ ନେଇ ଚୈତନ୍ୟଙ୍କ ଘରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ଏ ଘଟଣା ଉର୍ମିଳା ପରିବାର ଜାଣିବା ପରେ ତୁରନ୍ତ ଗାଇସିଲେଟ ଡାକ୍ତରଖାନାକୁ ପ୍ରାଥମିକ ଚିକିତ୍ସା ପାଇଁ ନେବା ପରେ ଅବସ୍ଥା ଗୁରୁତର ହେବାରୁ ପଦ୍ମପୁର ଡାକ୍ତରଖାନାରେ ଚିକିତ୍ସାଧିନ ଅଛନ୍ତି। ଏ ଘଟଣା ଗାଇସିଲେଟ ଥାନାରେ ଜଣାଇଥିବା ମହିଳା ସରପଞ୍ଚ ପୁଅ ସୂଚନା ଦେଇଛନ୍ତି। ଏବଂ ପୂର୍ବତନ ସରପଞ୍ଚ ଚୈତନ୍ୟ ସାହୁଙ୍କୁ ଶୀଘ୍ର ଗିରଫ କରିବା ପାଇ ପରିବାର ଲୋକେ ଦାବି କରିଛନ୍ତି