ଆସନ୍ତାକାଲି ପ୍ରଥମ ସେମିଫାଇନାଲରେ ଅଷ୍ଟ୍ରେଲିଆକୁ ଭେଟିବ ଭାରତ । ଶେଷ ମ୍ୟାଚ୍ରେ ଭାରତ ନୁ୍ୟଜଲ୍ୟାଣ୍ଡକୁ ହରାଇବା ପରେ ଅଷ୍ଟ୍ରେଲିଆ ସହ ସେମିଫାଇନାଲ ଟକ୍କର ପାଇଁ ଲାଇନ୍ ଅଫ୍ ଚୂଡାନ୍ତ । ମଙ୍ଗଳବାର ଦୁବାଇ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଆଇ ସିସି ଚାମ୍ପିୟନସ୍ ଟ୍ରଫି ୨୦୨୫ ସେମିଫାଇନାଲରେ ମେନ୍ ଇନ୍ ବ୍ଲୁ ଭେଟିବେ ଶତ୍ରୁ ଅଷ୍ଟ୍ରେଲିଆକୁ ।
ଭାରତ ଗ୍ରୁପ୍ ଏ ରେ ଆରମରେ ଜିତିବା ପରେ ଶୀର୍ଷ ଚାରିରେ ସ୍ଥାନ ପାଇଲା । ଭାରତ ଚାମ୍ପିୟନ୍ସ ଟ୍ରଫିର ପ୍ରଥମ ମ୍ୟାଚରେ ବାଂଲାଦେଶକୁ ପରାସ୍ତ କରିବା ପରେ ୫ମ ମ୍ୟାଚ୍ ରେ ପାକିସ୍ତାନକୁ ପରାସ୍ତ କରିଥିଲା ଭାରତ । ଆଉ ଶେଷ ମ୍ୟାଚରେ ନୁ୍ୟଜଲ୍ୟାଣ୍ଡକୁ ୪୪ ରନ୍ ରେ ପରାସ୍ତ କରି ଗ୍ରୁପ୍ ଶୀର୍ଷରେ ପହଞ୍ଚିଛି ଭାରତ । ସେହିପରି ଅଷ୍ଟ୍ରେଲିଆ ଗ୍ରୁପ୍ ବି ରେ ପ୍ରଥମ ମ୍ୟାଚ୍ ଇଂଲଣ୍ଡ ବିପକ୍ଷରେ ଖେଳି ଦମଦାର ବିଜୟ ହାସଲ କରିଥିଲା । ଏବଂ ପରେ ଆଫଗାନିସ୍ତାନ ବିପକ୍ଷ ମ୍ୟାଚ୍ ବର୍ଷା ହେବା କାରଣରୁ ବନ୍ଦ ହୋଇଥିଲା । ଦକ୍ଷିଣ ଆଫ୍ରିକା ପରେ ଗ୍ରୁପ୍ ବି ରେ ଅଷ୍ଟ୍ରେଲିଆ ରନର୍ସ ଅପ୍ ହୋଇଥିଲା ।
ତେବେ ମଙ୍ଗଳବାର ଚମ୍ପିଅନ୍ସ ଟ୍ରଫି ଇତିହାସର ଦୁଇଟି ସଫଳ ଦଳ ପରସ୍ପର ବିପକ୍ଷରେ ମୁକାବିଲା କରିବେ । କହିବାକୁ ଗଲେ ଅଷ୍ଟ୍ରେଲିଆ ୨୦୦୬ ଏବଂ ୨୦୦୯ରେ ଟାଇଟେଲ ଜିତିଥିବର ବେଳେ ଭାରତ ୨୦୧୩ରେ ଚାମ୍ପିଅନ୍ ଏବଂ ୨୦୦୨ରେ ସହ-ବିଜେତା ହୋଇଥିଲା । ଭାରତ ଏବଂ ଅଷ୍ଟ୍ରେଲିଆ ଦିନିକିଆ ଅନ୍ତର୍ଜାତୀୟ କ୍ରିକେଟରେ ୧୫୧ ଥର ପରସ୍ପର ସହିତ ମୁହାମୁହିଁ ହୋଇଛନ୍ତି । ୧୫୧ ଟି ମ୍ୟାଚ୍ ରୁ ୫୭ ଥର ଭାରତ ଜିତିଥିବା ବେଳେ ୮୪ଟି ଅଷ୍ଟ୍ରେଲିଆ ଜିତିଛି । ଏବଂ ଦଶଟି ମ୍ୟାଚ୍ରେ କେହି ବିଜେତା ହୋଇ ନାହାନ୍ତି । ତଥାପି ଚାମ୍ପିଅନ୍ସ ଟ୍ରଫିରେ ଅଷ୍ଟ୍ରେଲିଆ ତୁଳନାରେ ଭାରତ ଦୁଇଟି ବିଜୟ ସହ ଆଗରେ ରହିଛି । ତେବେ ଅଷ୍ଟ୍ରେଲିଆ ସହ ଭାରତର ମ୍ୟାଚ୍ ସହଜ ହୋଇ ନପାରେ । କାହିଁକିନା ଅଷ୍ଟ୍ରେଲିଆ ଦଳର ପ୍ୟାଟ୍ କମିନସ୍, ଜୋସ୍ ହାଜେଲଉଡ୍ , ଏବଂ ମିଚେଲ ଷ୍ଟାର୍କଙ୍କ ଭଳି ପ୍ରମୁଖ ଖେଳାଳୀଙ୍କ ବିନା ବି ଭଲ ପ୍ରଦର୍ଶନ ଦେଖାଇ ସାରିଛି । କିଛି ଦିନ ତଳେ ହୋଇଥିବା ଇଂଲଣ୍ଡ ବିପକ୍ଷ ମ୍ୟାଚରେ ଅଷ୍ଟ୍ରେଲିଆର ସ୍କୋରିଂ ଏହାକୁ ପ୍ରମାଣିତ କରି ସାରିଛି । ସେଥିପାଇଁ କାଲିର ମ୍ୟାଚକୁ ସମସ୍ତଙ୍କର ଅପେକ୍ଷା । କାଲିର ମ୍ୟାଚ୍ରେ କଡା ଟକ୍କର ହେବ ବୋଲି ଏବେଠୁ କ୍ରିକେଟ ପ୍ରେମୀ ମଧ୍ୟ ଉତ୍ସାହିତ ହୋଇ ରହିଛନ୍ତି ।
