କୁହାଯାଇଛି ଯେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଥିବା ନିବିଡ଼ତା ଏବଂ ପ୍ରେମ ଜନ୍ମଜନ୍ମାନ୍ତରର
ସ୍ୱାମୀ ସ୍ତ୍ରୀଙ୍କର ସଂମ୍ପର୍କ ସବୁଠାରୁ ପବିତ୍ର ,ସ୍ୱାମୀଙ୍କର କିଛି ହେଇଗଲେ ସ୍ତ୍ରୀ ସହିପାରେନି କି .., ସ୍ତ୍ରୀ ର କିଛି ଅସୁବିଧା ହେଲେ ସ୍ୱାମୀ ବି ସହିପାରେନି।
ଦୁହେଁଙ୍କ ଅସୁବିଧାରେ ଉଭୟ ଠିଆ ହୁଅନ୍ତି , ସେଥିପାଇଁ ପ୍ରତି ବିପଦ ଆପଦରେ ସ୍ୱାମୀର ଢାଲ ହୋଇରହିଥାଏ ସ୍ତ୍ରୀ ., ପୁରାଣ ଅନୁସାରେ ଯେମିତି ସାବିତ୍ରୀ ସତବାନଙ୍କୁ ମରଣ ମୁହଁରୁ ଫେରାଇ ଆଣିଥିଲେ ସେହିଭଳି କଳିଯୁଗରେ ସ୍ୱାମୀର କଷ୍ଟକୁ ସହିନପାରି ଜଣେ ସ୍ତ୍ରୀ ତାର ସ୍ୱାମୀ କୁ ନିଜ କାନ୍ଧରେ ବୋହି ନେଇ ଯାଉଛି ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାର ଲାଗିଛି ।
ଦାମ୍ପତ୍ୟ ଜୀବନର ଏହି କର୍ତ୍ତବ୍ୟ ପାଳନ କରିବାର ମଧ୍ୟପ୍ରଦେଶର ଭିଣ୍ଡ ଜିଲ୍ଲାରେ ଏକ ହୃଦୟସ୍ପର୍ଶୀ ଚିତ୍ର ସାମ୍ନାକୁ ଆସିଛି। ଭିଡିଓରେ ଜଣେ ମହିଳା ତାଙ୍କ ସ୍ୱାମୀଙ୍କୁ ଚିକିତ୍ସା ପାଇଁ ନିଜ ପିଠିରେ ଭିଣ୍ଡର ଜିଲ୍ଲା ଡାକ୍ତରଖାନାକୁ ନେଉଥିବାର ନଜର ଆସିଛନ୍ତି। ମହିଳାଙ୍କ ସ୍ୱାମୀଙ୍କ ଗୋଡରେ ଆଘାତ ଲାଗିଛି ଏବଂ ସେ ଚାଲିବାକୁ ଅସମର୍ଥ ଥିବା ଜଣାପଡିଛି। ଶାଢ଼ି ପିନ୍ଧି ଓଢ଼ଣୀ ଦେଇ ମହିଳା ଜଣକ ସ୍ବାମୀଙ୍କ ପ୍ରତି ନିଜର କର୍ତ୍ତବ୍ୟ ଏବଂ ଦାୟିତ୍ବବୋଧ ପ୍ରଦର୍ଶନ କରିଛନ୍ତି। ମହିଳା ଜଣକ ହୃଦୟଙ୍ଗମ କଲେ ଯେ ତାଙ୍କ ସ୍ୱାମୀଙ୍କ ଚିକିତ୍ସାରେ ବିଳମ୍ବ ହେଉଛି। ଆଉ ସେ ଆମ୍ବୁଲାନ୍ସକୁ ବି ଅପେକ୍ଷା କରିନଥିଲେ । ସ୍ୱାମୀଙ୍କୁ ତାଙ୍କ ପିଠିରେ ବୋହି ନେଇ ଚିକିତ୍ସା ପାଇଁ ଡାକ୍ତରଖାନା ଭିତରକୁ ସେ ନେଇଯାଇଥିଲେ। ଏହି ସମୟରେ ଡାକ୍ତରଖାନାରେ ଉପସ୍ଥିତ ବ୍ୟକ୍ତି ଏହି ବିରଳ ତଥା ସୁନ୍ଦର ଦୃଶ୍ୟର ଏକ ଭିଡିଓ ପ୍ରସ୍ତୁତ କରିଥିଲେ। ଏହି ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି ଏବଂ ଲୋକମାନେ ମହିଳାଙ୍କ ସାହସକୁ ପ୍ରଶଂସା କରୁଛନ୍ତି।
ପର୍ୟ୍ୟାପ୍ତ ଷ୍ଟ୍ରେଚର, ଆମ୍ବୁଲାନ୍ସ ଏବଂ ଅନ୍ୟାନ୍ୟ ଆବଶ୍ୟକୀୟ ସୁବିଧା ଥିବା ସତ୍ତ୍ବେ ମହିଳାଙ୍କୁ ତାଙ୍କ ସ୍ୱାମୀଙ୍କୁ ନିଜ ପିଠିରେବୋହି ନେବାକୁ ପଡିଲା । ଡାକ୍ତରଖାନା ପରିଚାଳନା ଏ ବିଷୟରେ ଜାଣିବା ମାତ୍ରେ ହସ୍ପିଟାଲର ମ୍ୟାନେଜର ସାକେତ ଚୌରାସିଆଙ୍କୁ ସିଭିଲ୍ ସର୍ଜନ ଡାକ୍ତର ଜେ.ଏସ୍ ଯାଦବ ନୋଟିସ୍ ଜାରି କରିଥିଲେ।
ଜିଲ୍ଲା ଡାକ୍ତରଖାନାରେ ପର୍ୟ୍ୟାପ୍ତ ସଂଖ୍ୟକ ଷ୍ଟ୍ରେଚର ଏବଂ ହ୍ୱିଲ ଚେୟାର ଉପଲବ୍ଧ ବୋଲି କୁହାଯାଉଛି। କିନ୍ତୁ ଅନିୟମିତତା ଯୋଗୁ ରୋଗୀଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିଲା। ଏହି ପ୍ରସଙ୍ଗରେ ଯେତେବେଳେ ଡାକ୍ତରଖାନା ପରିଚାଳକ ସାକେତ ଚୌରାସିଆଙ୍କ ସହ କଥାବାର୍ତ୍ତା କରିବାକୁ ଚେଷ୍ଟା କରାଯାଇଥିଲା, ସେତେବେଳେ ସେ କିଛି କହିବା ପରିବର୍ତ୍ତେ କ୍ୟାମେରା ଆଗରୁ ଦୌଡ଼ି ପଳାଇଥିବାର ଦେଖାଯାଇଥିଲା।
