କଫ ସିରପ ପିଇ ୧୮ ଶିଶୁ ମୃତ

ନୂଆଦିଲ୍ଲୀ,(ଏନଏନଏସ ଓଡ଼ିଆ /୦୬ .୦୩): ନଏଡ଼ା ସ୍ଥିତ ଫାର୍ମା କମ୍ପାନି ମେରିଅନ୍ ବାୟୋଟେକ୍ ଦ୍ବାରା ପ୍ରସ୍ତୁତ କଫ ସିରପ ପିଇ ଉଜବେକିସ୍ତାନର ୧୮ ଜଣ ଶିଶୁ ମୃତ୍ୟୁବରଣ କରିଥିବା ଅଭିଯୋଗ ଗତ ଡିସେମ୍ବରରେ ହୋଇଥିଲା। ଏହି ଘଟଣାରେ କମ୍ପାନିର ୩ ଜଣ କର୍ମଚାରୀଙ୍କୁ ପୁଲିସ ଗିରଫ କରିଛି। କିନ୍ତୁ ଦୁଇ ଜଣ ନିର୍ଦ୍ଦେଶକଙ୍କୁ ପୁଲିସ ପାଉ ନଥିବାରୁ ସେମାନଙ୍କୁ ଗିରଫ କରିପାରିନାହିଁ।ଉଜ୍ବେକିସ୍ତାନ ସ୍ବାସ୍ଥ୍ୟ ମନ୍ତ୍ରାଳୟର ରିପୋର୍ଟ ଅନୁଯାୟୀ, କଫ ସିରପରେ ଏଥଲିନ୍ ଗ୍ଲାଇକଲ ନାମକ ବିଷାକ୍ତ ପଦାର୍ଥ ଥିଲା। କିଛି ଅଭିଭାବକ ପିଲାଙ୍କ ଥଣ୍ଡା ଦୂର କରିବା ପାଇଁ ଡାକ୍ତରଙ୍କ ବିନା ପରାମର୍ଶରେ ଅଧିକ ମାତ୍ରାରେ ପ୍ରଦାନ କରିଥିଲେ। ସିଡିଏସସିଓର ଡ୍ରଗ୍ସ ଇନ୍ସପେକ୍ଟରଙ୍କ ନିର୍ଦ୍ଦେଶରେ ଗତ ଗୁରୁବାର କମ୍ପାନିର ୫ ଜଣଙ୍କ ବିରୋଧରେ ଏତଲା ରୁଜୁ ହୋଇଥିଲା। ସେଥିରେ ୨ ଜଣ ନିର୍ଦ୍ଦେଶକଙ୍କ ସମେତ ମୋଟ ୫ ଜଣ ଅଧିକାରୀଙ୍କ ନାମ ଥିଲା।