କଟକର ବିପର୍ଯ୍ୟସ୍ତ ଧୂଳିମୟ ପରିବେଶକୁ ନେଇ ସିଏମସି କାର୍ଯ୍ୟାଳୟ ଆଗରେ ଧୂଳି ପକାଇ ପ୍ରତିବାଦ

କଟକ,(ଏନଏନଏସ ଓଡ଼ିଆ /୨୪.୦୨): କଟକ ସିଏମସି କାର୍ଯ୍ୟାଳୟ ଆଗରେ ଧୂଳି ପକାଇ ପ୍ରତିବାଦ ଦେଖିବାକୁ ମିଳିଛି । ସହରର ବିପର୍ଯ୍ୟସ୍ତ ଧୂଳିମୟ ପରିବେଶକୁ ନେଇ ଜୋର ଧରିଛି ପ୍ରତିବାଦ । ସୁଭାଷ ସଂଗଠନର କର୍ମକର୍ତା ମାନେ ରାସ୍ତାରେ ପଡିଥିବା ବାଲିକୁ ଏକାଠି କରି ସିଏମସି କାର୍ଯ୍ୟାଳୟ ସମୁଖରେ ପକାଇଛନ୍ତି । ଏଥି ସହ ସିଏମସି କାର୍ଯ୍ୟାଳୟ ଭିତରକୁ ଧସେଇ ପଶିଥିଲେ ସୁବାଷ ସଙ୍ଗଠନର ସଦସ୍ୟ । ପୋଲିସ ସହ କର୍ମୀଙ୍କର ମୁହାଁମୁହିଁ ହୋଇଥିଲା । ପୋଲିସ ଆନ୍ଦୋଳନକାରୀଙ୍କୁ ଅଫିସ ଭିତରୁ ବାହାରକୁ ଆଣିଥିଲା । ରାସ୍ତାରେ ଧୂଳିମୟ ପରିବେଶକୁ ନେଇ କଟକ ବାସିନ୍ଦାଙ୍କ ଅସନ୍ତୋଷ ବଢ଼ିବାରେ ଲାଗିଛି ।