କଟକରୁ ଠାବ ହେଲା ଚୋରା ବନ୍ଧୁକ ରାକେଟ; 6 ଟି ବନ୍ଧୁକ ଓ 32 ଟି ଗୁଳି ଜବତ

କଟକ ଚାଉଳିଆଗଞ୍ଜ ପୋଲିସକୁ ବଡ଼ ସଫଳତା ମିଳିଛି । ପୁଣି ଠାବ ହେଲା ଚୋରା ବନ୍ଧୁକ ରାକେଟ । ବନ୍ଧୁକ ଓ ଗୁଳି ଜବତ ସହ 2 ଗିରଫ । ଏନେଇ ପୋଲିସ କମିଶନର ସୂଚନା ଦେଇଛନ୍ତି । କଟକ ବିଦ୍ୟାଧରପୁର ଅଞ୍ଚଳରେ ଚୋରା ବନ୍ଧୁକ ରାକେଟ ଚାଲିଥିବା ଖବର ପାଇଥିଲା ପୋଲିସ । ଚାଉଳିଆଗଞ୍ଜ ପୋଲିସ ଚଢାଉ କରି 6 ଟି ବନ୍ଧୁକ ଓ 32 ଗୁଳି ଜବତ କରିଛି । ଏହି ବନ୍ଧୁକ ରାକେଟରେ ସମୃକ୍ତ ଥିବା 2ଜଣଙ୍କୁ ଗିରଫ କରାଯାଇଛି । ସେ ଦୁଇ ଜଣ ହେଲେ ଜଗତସିଂହପୁର ବିରିଡିର ଅଜିତ ରାୟ ଓରଫ ଦିପୁ ଓ ଗଞ୍ଜାମର ଅଜୟ ମହାରଣା ଓରଫ ପପୁ । ଦୁଇ ଜଣଙ୍କ ନାଁରେ 10 ରୁ ଅଧିକ ମାମାଲ ରହିଛି ।