<h3>ନିର୍ବାଚନ ସରିବା ପରେ ପୂଣି ସକ୍ରିୟ ହେଲେଣି ଗୋରୁ ମାଫିଆ | ବେଧଡକ ଚାଲିଛି ଓଡିଶାରୁ ପଶ୍ଚିମବଙ୍ଗକୁ ଗୋରୁ ଚୋରା ଚାଲାଣ | ଆଜି ସକାଳେ ଗୋଟିଏ ୧୨ ଚକିଆ ଟ୍ରକରେ ଗୋରୁ ବୋଝେଇ କରି ପଶ୍ଚିମବଙ୍ଗ ଅଭିମୁଖେ ଦ୍ରୂତଗତିରେ ଯାଉଥିବା ବେଳେ ଭୋଗରାଇ ଥାନା ଅନ୍ତର୍ଗତ ଦେଉଳା ହାଟ ନିକଟରେ ଗାଡି ଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବାରୁ ସ୍ଥାନୀୟ ଲୋକେ ପହଞ୍ଚି ଗାଡିରୁ ୩୭ ଟି ଗୋରୁ ଜବତ କରି ପୋଲିସକୁ ଖବର ଦେଇଥିଲେ | ସେହିପରି ଭଦ୍ରକରୁ ପଶ୍ଚିମବଙ୍ଗକୁ ଗୋରୁ ଚୋରା ଚାଲାଣ ହେଉଥିବା ବେଳେ ସିଂଲା ଥାନା ଅନ୍ତର୍ଗତ ଆମ୍ବକୁଡୁଚି ନିକଟରେ ଅନ୍ୟ ଏକ କଣ୍ଟେନର କୁ ଗ୍ରାମବାସୀ ଅଟକାଇ ୧୭ ଟି ଗୋରୁ ଉଦ୍ଧାର କରି ପୋଲିସକୁ ଖବର ଦେଇଥିଲେ, ପୋଲିସ ପହଞ୍ଚି ଉକ୍ତ ଗୋରୁ ସବୁ ଗୋ-ଶାଳାକୁ ପଠାଇବା ସହ ଦୁଇଟି ଗାଡିକୁ ଜବତ କରି ଘଟଣାର ତଦନ୍ତ କରୁଛି | ତେବେ ଜାତୀୟ ରାଜପଥର ବିଭିନ୍ନ ଚେକ ପୋଷ୍ଟ ଏବଂ ଥାନା ଅତିକ୍ରମ କରି ପ୍ରତ୍ୟେକଦିନ ଗାଡି ଗୁଡିକ କିଭଳି ପଶ୍ଚିମବଙ୍ଗ କୁ ଯାଉଛି ତାକୁ ନେଇ ଏବେ ସାଧାରଣ ରେ ପ୍ରଶ୍ନବାଚୀ ସୃଷ୍ଟି ହୋଇଛି।</h3>
