ଓଡିଆ ଗୀତ ଗାଇଲେ ରାଜ୍ୟପାଳ | ଷ୍ଟୂଡିଓରେ ଗୀତ ଗାଇ ଚର୍ଚ୍ଚାରେ ପ୍ରଫେସର ଗଣେଶୀ ଲାଲ | କଣ୍ଠଶିଳ୍ପୀଙ୍କ ପରି ଷ୍ଟୁଡିଓରେ ସେ କଣ୍ଠଦାନ କରି ଗୀତ ରେକର୍ଡିଂ କରିଛନ୍ତି । ଏହି ଗୀତଟି ହେଲା ଏମାଟି ଓଡ଼ିଶା, ଏ ଜାତି ଓଡ଼ିଆ। ଓଡ଼ିଶାର କଳା ସଂସ୍କୃତି ପରମ୍ପରାକୁ ନେଇ ଏହି ସଂଗୀତ ପ୍ରସ୍ତୁତ କରିଛନ୍ତି ସଂଗୀତ ନିର୍ଦ୍ଦେଶକ ପ୍ରେମାନନ୍ଦ । ଏଥିରେ ପ୍ରାୟ ୧୫ ଜଣ ଶିଳ୍ପୀ କଣ୍ଠଦାନ କରିଛନ୍ତି । ଏମାନଙ୍କ ସହିତ ନିଜେ ଗୀତ ଗାଇଛନ୍ତି ରାଜ୍ୟପାଳ ପ୍ରଫେସର ଗଣେଶୀଲାଲ । ନୀଳାଦ୍ରି ବିହାରର ଏକ ଷ୍ଟୁଡିଓରେ ଏହାର ରେକଡ଼ିଂ କରାଯାଇଛି । ଷ୍ଟୁଡିଓରୁ ବାହାରିବା ପରେ ରାଜ୍ୟପାଳ କହିଛନ୍ତି, ଏହା ଏକ କୃଷ୍ଣ ଗୀତ। ସାରା ବିଶ୍ୱର ହୃଦୟକୁ ଏହା ଝଙ୍କୃତ କରିବ। ଏହି ଗୀତରେ ଯେଉଁ ମାଧୁର୍ଯ୍ୟ ଅଛି, ସେଥିରେ ସମସ୍ତେ ଆତ୍ମହରା ହୋଇ ଯିବେ। ଆସନ୍ତା ଉତ୍କଳ ଦିବସରେ ଭିଡିଓ ସହିତ ଏହି ଗୀତ ଉନ୍ମୋଚିତ ହେବ ବୋଲି ଜଣାପଡ଼ିଛି ।
ଓଡିଆ ଗୀତ ଗାଇଲେ ରାଜ୍ୟପାଳ ; ଷ୍ଟୁଡିଓରେ ଗୀତ ଗାଇ ଚର୍ଚ୍ଚାରେ ପ୍ରଫେସର ଗଣେଶୀ ଲାଲ
Plugin Install : Subscribe Push Notification need OneSignal plugin to be installed.
