ମିଶନ ଗଗନଯାନରେ ଯିବେ ୪ ମହାକାଶଚାରୀ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପସ୍ଥିତିରେ ସେମାନଙ୍କ ନାଁ ଘୋଷଣା କରିଛି ଇସ୍ରୋ । ଭାରତୀୟ ବାୟୁସେନାର ୪ଜଣ ପାଇଲଟ ଯିବେ ମହାକାଶ । ଏହି ୪ଜଣ ମହାକାଶଚାରୀମାନେ ହେଲେ ଗ୍ରୁପ କ୍ୟାପଟେନ ଅଙ୍ଗଦ ପ୍ରତାପ, ଅଜିତ କୃଷ୍ଣନ, ପ୍ରଶାନ୍ତ ବାଲକୃଷ୍ଣନ ନାୟର ଏବଂ ୱିଙ୍ଗ କମାଣ୍ଡର ଶୁଭାଂଶୁ ଶୁକ୍ଳା । କେରଳର ଥିରୁଅନନ୍ତପୁରମରେ ବିକ୍ରମ ସାରାଭାଇ ଅନ୍ତରୀକ୍ଷ କେନ୍ଦ୍ରରେ ପ୍ରଧାନମନ୍ତ୍ରୀ ମୋଦୀ ଉଦବୋଧନ ଦେଇ ମନୋନିତ କରାଯାଇଥିବା ଏହି ୪ଜଣ ମହାକାଶଚାରୀଙ୍କୁ ଗଗନଯାନ ମିଶନ ପାଇଁ ଶୁଭେଚ୍ଛା ଜଣାଇବା ସହ ଆଷ୍ଟ୍ରୋନଟ ୱିଙ୍ଗ ପ୍ରଦାନ କରିଛନ୍ତି । ସେ କହିଛନ୍ତି ଯେ ଏମାନେ ହେଉଛନ୍ତି ଆଜିର ଭାରତର ବିଶ୍ୱାସ ଓ ଶୌର୍ଯ୍ୟ । ଏହି ୪ଜଣ ମହାକାଶଚାରୀ ଏବଂ ସେମାନଙ୍କ ପରିବାରକୁ ସହଯୋଗ କରନ୍ତୁ ବୋଲି ପ୍ରଧାନମନ୍ତ୍ରୀ କହିଛନ୍ତି ।
Plugin Install : Subscribe Push Notification need OneSignal plugin to be installed.
