ଉତ୍ତରବାଙ୍କ ଓ ଋଷିମାଳରେ ହଜାର ହଜାର ଶ୍ରଦ୍ଧାଳୁ ବୁଡ଼ ପକାଇଲେ

ସୋରଡ଼ା ବୃଦ୍ଧଲିଙ୍ଗେଶ୍ୱର ମନ୍ଦିର ପାର୍ଶ୍ଵ ଉତ୍ତରବାଙ୍କ ର ଋଷିକୁଲ୍ୟା ଓ ଜରଉ ନଦୀ ର ସଙ୍ଗମ ସ୍ଥଳ ଏବଂ ଗଞ୍ଜାମ ସୀମାନ୍ତ କନ୍ଧମାଳ ଜିଲ୍ଲା ଋଷିକୁଲ୍ୟା ଉତ୍ପତି ସ୍ଥଳ ରେ ଗୁରୁବାର ହଜାର ହଜାର ଶ୍ରଦ୍ଧାଳୁ ବାରୁଣୀ ସ୍ନାନ ସହ ପିତୃ ପୁରୁଷ ଙ୍କୁ ପିଣ୍ଡ ଦାନ କରିଛନ୍ତି I ରାଜ୍ୟ ର ବିଭିର୍ଣ୍ଣ ପ୍ରାନ୍ତରୁ ମହିଳା ପୁରୁଷ ଭୋର ସମୟ ରୁ ଏଠାରେ ପହଂଚି ସ୍ନାନ କରିବା ସହ ଠାକୁର ଦର୍ଶକ କରିଛନ୍ତି I ଉଭୟ ସ୍ଥାନ ରେ ପୋଲିସ, ସ୍ବେଛାସେବୀ ତରଫରୁ ସେବା ସହଯୋଗ ବ୍ୟବସ୍ଥା ହୋଇଥିଲା I ଭୋର ରୁ ମାଧ୍ୟାର୍ହ୍ନ ପର୍ଯ୍ୟନ୍ତ ପ୍ରବଳ ଭିଡ଼ ଦେଖିବାକୁ ମିଳିଥିଲା l ସୋରଡ଼ା ଠାରୁ ରାମନାମବାଡ଼ି ଦେଇ ଆଡିପଙ୍କା ଠାରୁ ଋଷିମାଳ ପର୍ଯ୍ୟନ୍ତ ନବ ନିର୍ମିତ ରାସ୍ତା ଯୋଙ୍ଗୁ ଚଳିତ ଥର ଶ୍ରଦ୍ଧାଳୁ ବିନା ଅସୁବିଧା ରେ ଉତ୍ପତି ସ୍ଥଳ ରେ ପହଂଚି ବୁଡ଼ ପକାଇ ଫେରିଛନ୍ତି I ପଣ୍ଡିତ ରାଧାକୃଷ୍ଣ ଦାସ ଶର୍ମା ଙ୍କ କହିବା ଅନୁଯାଇ ବହୁ ପୁରୁଣା ଋଷିକୁଲ୍ୟା ନଦୀ ରେ ଏ ଏହିଦିନରେ ସ୍ନାନ କରିବା ଏକ ସୁସ୍ଥ ଉତ୍ତମ ତଥା ଆଧ୍ୟାତ୍ମିକ ମାନସିକତା କୁ ଜାଗ୍ରତ କରାଇଥାଏ I ସାମୁହିକ ଭାବେ ସମସ୍ତେ ଏଥିରେ ଯୋଗ ଦେଇଥିବାରୁ ହିନ୍ଦୁ ସଂସ୍କୃତି ପରମ୍ପରା ର ଏହା ଏକ ଅନନ୍ୟ ଭାବଧାରା ବୋଲି କହିଥିଲେ I