ଇମ୍ଫା ମହାଗିରି କ୍ଲବ ହଲରେ ୬୩ତମ ପ୍ରତିଷ୍ଠା ଦିବସ ଅନୁଷ୍ଠିତ

ଇମ୍ଫା କମ୍ପାନି ପକ୍ଷରୁ ମଙ୍ଗଳବାର ଅପରାହ୍ନ 5 ଘଟିକା ସମୟରେ ଇମ୍ଫା ପ୍ରତିଷ୍ଠାତା ଦିବଙ୍ଗତ ଡକ୍ଟର ବଂଶୀଧର ପଣ୍ଡାଙ୍କ ୯୨ତମ ଜୟନ୍ତୀ ଓ କମ୍ପାନିର ୬୩ତମ ପ୍ରତିଷ୍ଠା ଉତ୍ସବ ପାଳିତ ହୋଇଯାଇଛି । କାଳିଆପାଣି ସ୍ଥିତ ଇମ୍ଫା ମହାଗିରି କ୍ଲବ ପରିସରରେ ଅତିଥି ମାନେ ସ୍ଵର୍ଗତ ପଣ୍ଡାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ଓ ଶ୍ରଦ୍ଧାସୁମନ ଅର୍ପଣ କରିବା ପରେ ବିଶେଷ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ମହାଗିରି କ୍ଲବରେ ଅନୁଷ୍ଠିତ ଏହି ସ୍ଵତନ୍ତ୍ର ସମାବେଶରେ କମ୍ପାନିର ଭିପି ତଥା ମୁଖ୍ୟ ମାଇନିଂ ସନ୍ଦୀପ ବପୁରାଓଜୀ ନାରାଡେ, ଇମ୍ଫା ମୁଖ୍ୟ ବିତ୍ତ ଅଧିକାରି ତାହା ମୁଖ୍ୟ ଜିସିଏସ ପ୍ରେମ ଖଣ୍ଡେଲୱାଲ ଯୋଗ ଦେଇ ସମସ୍ତଙ୍କୁ ଉତ୍ସାହିତ କରିଥିଲେ । ଚିତ୍ର କଳା, ବାଲୁକାକଳା ଓ ବିଭିନ୍ନ ଉଲ୍ଲେଖନୀୟ ସଫଳତା ଏବଂ ଭଲି ବଲ୍ ଓ ବ୍ୟାଡ଼ମିଣ୍ଟନ ପ୍ରତିଯୋଗିତାର କୃତୀ ଖେଳାଳି ଓ ଦଳକୁ ପୁରସ୍କୃତ କରାଯାଇଥିଲା। ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗିରିଶ ପଟ୍ଟନାୟକ ମଞ୍ଚ ପରିଚାଳନା କରିଥିବା ବେଳେ ଶେଷରେ ମିଳନ ରଞ୍ଜନ କର ଧନ୍ୟବାଦ୍ ଅର୍ପଣ କରିଥିଲେ ।