ଆସନ୍ତାକାଲି ପୃଥିବୀକୁ ଫେରିବେ ସୁନୀତା ୱିଲିୟମ୍ସ । ସୂଚନା ଦେଇଛି ନାସା । ୧୯ରେ ଫେରିବାର ଥିଲା । କିନ୍ତୁ ପରିବେଶ ଅନୁକୂଳ ଯୋଗୁ ଆସନ୍ତାକାଲି ଫେରିବେ । ଫ୍ଲୋରିଡା କୋଷ୍ଟରେ ଅବତରଣ କରିବ ସ୍ପେସ୍ କ୍ରାଫ୍ଟ । ଆଜି ଆନ୍ତର୍ଜାତିକ ମହାକାଶ କେନ୍ଦ୍ରରୁ ବାହାରିବ ଡ୍ରାଗନ ସ୍ପେସ୍ କ୍ରାଫ୍ଟ । ୯ ମାସ ଧରି ମହାକାଶରେ ଫସିରହିଥିବା ସୁନୀତା ୱିଲିୟମ୍ସ ଓ ବୁଚ୍ ୱିଲମୋର ଖୁବଶୀଘ୍ର ପୃଥିବୀ ପୃଷ୍ଠକୁ ଫେରିବେ। ସେମାନଙ୍କ ପ୍ରତ୍ୟାବର୍ତ୍ତନ ପାଇଁ ନାସା-ସ୍ପେଶ-ଏକ୍ସ, ଇଣ୍ଟରନ୍ୟାସନାଲ ସ୍ପେଶ ଷ୍ଟେସନ୍ ବା ଆଇଏସଏସରେ ପହଞ୍ଚିସାରିଛି। ସେଠାରେ ପହଞ୍ଚିବା ପରେ ସୁନୀତା ଓ ବୁଚଙ୍କ ଫେରିବା ଆଶଙ୍କା ଦୂର ହୋଇଛି। କାଲି ସଂଧ୍ୟା ୫ଟା ୫୭ରେ ଫ୍ଲୋରିଡ଼ା କୋଷ୍ଟରେ ପହଞ୍ଚିବ । ୯ ମାସ ହେଲା ISSରେ ଫିସି ରହିଛନ୍ତି ଭାରତୀୟ ବଂଶୋଦ୍ଭବ ମହାକାଶଚାରୀ ସୁନିତା ୱିଲିୟମ୍ସ ଓ ସାଥୀ ୱିଲ୍ ବୁଚ୍ ମୋର୍। ଉଭୟ ପୃଥିବୀକୁ ଫେରିବା ପାଇଁ ପ୍ରକ୍ରିୟା ଆରମ୍ଭ ହୋଇ ସାରିଛି । ଶୁକ୍ରବାର ଫ୍ଲୋରିଡାର କେନେଡି ମହାକାଶ କେନ୍ଦ୍ରରୁ କ୍ରୁ-୧୦ ଡ୍ରାଗନ ସ୍ପେସ୍ କ୍ରାଫ୍ଟ ଅନ୍ତର୍ଜାତୀୟ ସ୍ପେସ୍ ଷ୍ଟେସନକୁ ଯାତ୍ରା କରିଥିଲା। ୯ ମାସ ଧରି ମହାକାଶରେ ଫସିଥିବା ସୁନୀତା ଓ ବୁଚ୍ ୱିଲମୋରଙ୍କ ଫେରିବା ବାଟ ଫିଟିଛି। ମହାକାଶ ଷ୍ଟେସନରେ ସୁନିତାଙ୍କ ପାଖରେ ପହଞ୍ଚି ସାରିଛି ମହାକାଶ ଯାନ। ମହାକାଶ ଯାନର ଡକିଂ, ଅନଡକିଂ ପ୍ରକ୍ରିୟା ମଧ୍ୟ ଶେଷ ହୋଇଛି । ଏହି ପ୍ରକ୍ରିୟାରେ ମହାକାଶଯାତ୍ରୀ ସୁନିତା ଏବଂ ତାଙ୍କ ସହଯୋଗୀ ବୁଚ୍ଙ୍କୁ ମହାକାଶ ଯାନକୁ ସ୍ଥାନାନ୍ତରିତ କରାଯାଇଛି। ଯାହାର ଭିଡିଓ ମଧ୍ୟ ସେୟାର କରିଛି ନାଶା। ସ୍ପେସ୍-ଏକ୍ସ ପକ୍ଷରୁ ମଧ୍ୟ ଟ୍ବିଟ୍ କରି ମହାଶୂନ୍ୟରେ ଡକିଂ, ଅନଡକିଂ ପ୍ରକ୍ରିୟାର ଭିଡିଓ ସେୟାର କରାଯାଇଛି। ସୁନୀତାଙ୍କ ଫେରିବା ବାଟ ଫିଟିବା ପରେ ପରିବାର ଲୋକଙ୍କ ଭିତରେ ଖୁସିର ଲହରି ଖେଳିଯାଇଛି। ୨୮ ଘଣ୍ଟାର ଯାତ୍ରା ପରେ ଆନ୍ତର୍ଜାତିକ ମହାକାଶ କେନ୍ଦ୍ରରେ ପହଞ୍ଚିଥିଲା । ଆସନ୍ତାକାଲି ସୁନିତା ଓ ବୁଚମୋରଙ୍କୁ ନେଇ ପୃଥିବୀ ପୃଷ୍ଠକୁ ଫେରିବ ଡ୍ରାଗନ ସ୍ପେସ୍ କ୍ରାଫ୍ଟ।
ଆସନ୍ତାକାଲି ପୃଥିବୀକୁ ଫେରିବେ ସୁନୀତା ୱିଲିୟମ୍ସ
Plugin Install : Subscribe Push Notification need OneSignal plugin to be installed.
