ଆର୍ମି ନିଯୁକ୍ତି ରାଲି ଆରମ୍ଭ

ରାଉରକେଲା:  ଆର୍ମି ନିଯୁକ୍ତି ରାଲି (ଅଗ୍ନିବୀର ) ଆସନ୍ତାକାଲି ଠାରୁ ଆରମ୍ଭ ହେବ l ଏହା ୯ ଡିସେମ୍ବର ପର୍ଯ୍ୟନ୍ତ ଚାଲିବ l ସ୍ଥାନୀୟ ସେକ୍ଟର ୬  ଇସ୍ପାତ ଷ୍ଟାଡିୟମରେ ଏହାକୁ ନେଇ ପ୍ରସ୍ତୁତି ଚୂଡାନ୍ତ ହେଇଯାଇଛି l ଏହି ରାଲି ରେ ୪ ଦିନରେ ପାଖାପାଖି ୮୦୦ ଯୁବକ ଶାରିରୀକ ଯୋଗ୍ୟତା ପରୀକ୍ଷା ଦେବେ l  ଅନଲାଇନ କମନ ଏନଟ୍ରାନ୍ସ ପରୀକ୍ଷା (CEE)  ରେ ପାସ ହୋଇଥିବା  ଯୁବକମାନେ ଏଥିରେ ଅଂଶ ଗ୍ରହଣ କରିବେ l  ଏହି ରାଲି ରେ  ଅନୁଗୁଳ, ବରଗଡ, ବଲାଙ୍ଗିର, ଢେଙ୍କାନାଳ, ଦେବଗଡ,ଝାରସୁଗୁଡା, କେନ୍ଦୁଝର , ସମ୍ବଲପୁର, ସୁବର୍ଣପୁର ଓ ସୁନ୍ଦରଗଡ  ଆଦି ଜିଲ୍ଲାର ଯୁବକମାନେ ଭାଗ ନେବେ  l  ରାଉରକେଲା ରେ ଏହାର  ସଫଳ ଆୟୋଜନ ନିମନ୍ତେ ପ୍ରଶାସନ ର ବିଭିନ୍ନ ବିଭାଗ ଏଥିରେ ସହଯୋଗ କରିଛନ୍ତି l ଜଳ ,ପରିମଳ, ଅଗ୍ନି ନିର୍ବାପକ, ଏମ୍ବୁଲାନ୍ସ, ପୋଲିସ ସୁରକ୍ଷା, ପରିବହନର ବ୍ୟବସ୍ଥା କରାଯାଇଛି l