ଆଜି 73ତମ ରାଜଧାନୀ ପ୍ରତିଷ୍ଠା ଦିବସ; ଆଲୋକମାଳାରେ ଝଲସୁଛି ଭୁବନେଶ୍ୱର

ଆଜି 73ତମ ରାଜଧାନୀ ଭୁବନେଶ୍ୱର ପ୍ରତିଷ୍ଠା ଦିବସ। ଆଜିର ଦିନରେ ଅର୍ଥାତ 1948 ମସିହା ଏପ୍ରିଲ 13 ତାରିଖରେ ଭୁବନେଶ୍ୱରକୁ ଓଡ଼ିଶାର ରାଜଧାନୀ ଭାବେ ମାନ୍ୟତା ମିଳିଥିଲା । 73 ବର୍ଷରେ ପାଦ ହେଲା ରାଜଧାନୀ ଭୁବନେଶ୍ୱର । ଏତିହ୍ୟ, କୀର୍ତ୍ତିରାଜିରେ ଭୁବନେଶ୍ୱର ନିଜର ସ୍ୱତନ୍ତ୍ର ପରିଚୟ ସୃଷ୍ଚି କରିପାରିଛି । ଭୁବନେଶ୍ୱର ଏବେ ସ୍ମାର୍ଟ ସିଟି ହୋଇଛି । ମନ୍ଦିରମାଳିନୀ ଭୁବନେଶ୍ୱର ଆଜି ସବୁଠି ପରିଚିତ । ବିଭିନ୍ନ ରଙ୍ଗର ଆଲୋକମାଳାରେ ସଜେଇ ହୋଇଛି ଭୁବନେଶ୍ୱର । ରାଜଧାନୀର ପ୍ରତିଷ୍ଠା ଦିବସର ପୂର୍ବ ସନ୍ଧ୍ୟାରେ ରାଜଧାନୀର ପ୍ରମୁଖ ସରକାରୀ କାର୍ଯ୍ୟାଳୟ ଗୁଡିକୁ ଆଲୋକିକରଣ କରାଯାଇଛି । । ରାଜଧାନୀର ରାସ୍ତାଘାଟ , ସରକାରି କାର୍ଯ୍ୟଳୟକୁ ରଙ୍ଗ ବେରଙ୍ଗ ଲାଇଟରେ ସଜେଇ ଦିଆଯଇଛି । ରାଜଧାନୀ ବାସିନ୍ଦା ମାନେ ଏହି ସୁନ୍ଦର ଆଲୋକିକରଣ ଦେଖି ସେଲ୍ପି ମଧ୍ୟ ନେଇଛନ୍ତି ।