ଆଜି ଜାତୀୟ ଭୋଟର ଦିବସ

ଆଜି ଦେଶବ୍ୟାପୀ ପାଳନ ହେବ ନବମ ଜାତୀୟ ମତଦାନ ଦିବସ। ଏହି ଅବସରରେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଉଛି। କୋଭିଡ କଟକଣାରେ କାର୍ଯ୍ୟକ୍ରମ କରିବାକୁ ଏସଓପି ଜାରି ହୋଇଛି। ଆଜି ନୂଆ ଭୋଟରମାନଙ୍କୁ ଫଟୋ ପରିଚୟ ପତ୍ର ବଣ୍ଟନ କରାଯିବ। ଦିଲ୍ଲୀ ନିର୍ବାଚନ କମିଶନଙ୍କ ଦ୍ୱାରା ଆୟୋଜିତ ହେବାକୁ ଥିବା ଜାତୀୟ ଉତ୍ସବରେ ରାଷ୍ଟ୍ରପତି ରାମନାଥ କୋବିନ୍ଦ ମୁଖ୍ୟ ଅତିଥି ଭାବେ ଯୋଗ ଦେବେ। ସେହିପରି ଆଇନ ମନ୍ତ୍ରୀ ରବିଶଙ୍କର ପ୍ରସାଦ ମଧ୍ୟ କାର୍ଯ୍ୟକ୍ରମରେ ସାମିଲ ହେବେ। ବାଂଲାଦେଶ, ଭୁଟାନ, କାଜାଖସ୍ତାନ, ମାଳଦ୍ୱୀପ, ରୁଷ ଏବଂ ଶ୍ରୀଲଙ୍କାର ମୁଖ୍ୟ ନିର୍ବାଚନ କମିଶନର ଓ ଅନ୍ୟାନ୍ୟ ବରିଷ୍ଠ ଅଧିକାରୀମାନେ କାର୍ଯ୍ୟକ୍ରମରେ ସାମିଲ ହେବେ। ବିଭିନ୍ନ ଦେଶର ରାଜନୈତିକ ଦଳର ପ୍ରତିନିଧିମାନେ, ସାଂସଦ, ରାଷ୍ଟ୍ରଦୂତ ମଧ୍ୟ ଯୋଗ ଦେବେ। ତେବେ ଏହି ଅବସରରେ ‘ମାଇଁ ଭୋଟ ମ୍ୟାଟର୍ସ’ନାମରେ ଏକ ପତ୍ରିକା ଉନ୍ମୋଚିତ ହେବ। ନିର୍ବାଚନ ପରିଚାଳନାରେ ଉଲ୍ଲେଖନୀୟ ଅବଦାନ ଥିବା ଅଫିସରମାନଙ୍କୁ ଏହି ଅବସରରେ ପୁରସ୍କୃତ କରାଯିବ। ନିର୍ବାଚନରେ ଯେପରି କୌଣସି ଭୋଟର ବାଦ୍ ନପଡିବେ ସେଥିପ୍ରତି ନଜର ଦିଆଯାଇଛି।