ଆଇରନ ଟ୍ରକ ସାଜିଲା କାଳ

ପାରାଦ୍ୱୀପ ରାଜରାସ୍ତାରେ ଚାଲିଗଲା ଆଉ ଏକ ନିରୀହ ଜୀଵନ | ପାରାଦ୍ୱୀପରେ ବେଆଇନ ଭାବରେ ଆଇରନ ଟ୍ରକର ଧାଡିଭଙ୍ଗା ଓଭରଟେକିଙ୍ଗ କାରଣରୁ ପ୍ରତ୍ୟେକ ମାସରେ ଏକାଧିକ ଜୀଵନ ଚାଲିଯାଉଥିବା ବେଳେ ଅନେକ ଲୋକ ସଡ଼କ ଦୁର୍ଘଟଣାରେ ପଙ୍ଗୁ ହୋଇ ନିଜ ପରିବାରର ବୋଝ ପାଲଟିଛନ୍ତି | ଆଜି ଏହିଭଳି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ସ୍ଥାନୀୟ ଅଞ୍ଚଳବାସୀଙ୍କ ଛାତି ଥରାଇ ଦେଇଛି | ନିଜ କାର୍ଯ୍ୟସ୍ଥଳୀକୁ ବାଇକ ଚଳାଇ ଆସୁଥିବା ଜଣେ ଯୁବକ ମୁଣ୍ଡ ଉପରେ ଚଢାଇ ଦେଇ ଆଇରନ ଟ୍ରକଟି ଫେରାର ହୋଇଯାଇଛି | ଯାହା ଫଳରେ ଯୁବକଟି ରାଜରାସ୍ତାରେ ପ୍ରାଣତ୍ୟାଗ କରିଥିଲେ ମଧ୍ୟ ଏଥିପ୍ରତି କାହାର ନିଘା ନାହିଁ | ଦୁର୍ଘଟଣା ଘଟାଇ ଟ୍ରକ ଫେରାର ହୋଇଯିବା ପରେ ସ୍ଥାନୀୟ ଲୋକେ ଘଟଣାସ୍ଥଳ ରେ ପହଞ୍ଚି ଯୁବକକୁ ମେଡିକାଲ ପଠାଇଥିଲେ ମଧ୍ୟ ମୁଣ୍ଡ ଉପରେ ଟ୍ରକ ଚଢାଇଦେଇଥିବାରୁ ଯୁବକଙ୍କ ମୃତ୍ୟୁ ଘଟିଛି | ତେବେସ୍ଥାନୀୟ ପ୍ରଶାସନ କେବଳ ଆଇନ ଶୃଙ୍ଖଳାକୁ ଧ୍ୟାନ ଦେଉଥିବା ବେଳେ ଆଇରନ ଟ୍ରକ ଉପରେ କୌଣସି ଆଖିଦୃଷ୍ଟିଆ ପଦକ୍ଷେପ ଗ୍ରହଣ କରିବାରେ ବିଫଳ ହେଉଥିବାରୁ ଅନେକ ନିରୀହ ଜୀଵନ ଅକାଳରେ ରାଜରାସ୍ତାରେ ଚାଲିଯାଉଛି ବୋଲି ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା |