ଭୁବନେଶ୍ବର: ପରଲୋକରେ ବର୍ଷିଆନ ସାମ୍ବାଦିକ ଶରତ ମିଶ୍ର । ୮୭ ବର୍ଷ ବୟସରେ ତାଙ୍କର ପରଲୋକ ଘଟିଛି। ଏମ୍ସରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ଘଟିଥିବା ଜଣାପଡ଼ିଛ।ସେ ‘ସମାଜ’ର ପୂର୍ବତ ସମ୍ପାଦକ ଥିଲେ ।
ଶ୍ରୀଯୁକ୍ତ ମିଶ୍ର “ଅନୁପମ ଭାରତ’ର ପ୍ରତିଷ୍ଠାତା, ସମ୍ପାଦକ ଥିଲେ। ଇଷ୍ଟର୍ଣ୍ଣ ଟାଇମ ଗ୍ରୁପରୁ ସେ ତାଙ୍କର ସାମ୍ବାଦିକତା ଜୀବନ ଆରମ୍ଭ କରିଥିଲେ। ସମ୍ବାଦ ଖବର କାଗଜ ଆରମ୍ଭ ବେଳେ ସେ ବାର୍ତା ସମ୍ପାଦକ ଥିଲେ। ୧୯୩୬ ମସିହାରେ ଗଞ୍ଜାମ ଜିଲ୍ଲା ସୋରଡ଼ାରେ ଶରତ ମିଶ୍ର ଜନ୍ମ ଗ୍ରହଣ କରିଥିଲେ। ଇଂରାଜୀ, ଓଡ଼ିଆ ଏବଂ ବଙ୍ଗଳା ଭାଷାରେ ତାଙ୍କର ବେଶ ପାରଦର୍ଶିତା ରହିଥିଲା ।
ଓଡ଼ିଶାର ଅଗ୍ରଣୀ ନ୍ୟୁଜ ଫିଚର ପତ୍ରିକା ପ୍ରତିନିଧିର ପ୍ରଥମ ସମ୍ପାଦକ ଥିଲେ । ତାଙ୍କର ବିୟୋଗରେ ସାରା ରାଜ୍ୟରେ ସାମ୍ବାଦିକ ଜଗତ ଓ ବୁଦ୍ଧିଜୀବୀ ମହଳରେ ଶୋକର ଛାୟା ଖେଳିଯାଇଛି ।
