ଭୁବନେଶ୍ୱର: କମିଶନରେଟ୍ ପୋଲିସ ଅପରାଧୀଙ୍କୁ ସାବାଡ୍ କରୁଛି । ନୂଆ ପୋଲିସ କମିଶନର ଭାବେ ଆଇପିଏସ୍ ସୌମେନ୍ଦ୍ର ପ୍ରିୟଦର୍ଶୀ ଯୋଗ ଦେବାର ୨୪ ଘଣ୍ଟା ମଧ୍ୟରେ ଭୁବନେଶ୍ୱର ସହର ଓ ଆଖପାଖରୁ କମିଶନରେଟ୍ ପୋଲିସ ୯ ଜଣ ଅପରାଧୀଙ୍କୁ ଗିରଫ କରିଛି । ଅପରାଧରେ ଏଥିସହ ବ୍ୟବହୃତ ଗାଡ଼ି, ବନ୍ଧୁକ, ଛୁରୀ ଭଳି ମାରଣାସ୍ତ୍ର ସାମଗ୍ରୀ ଜବତ କରିଛି ପୋଲିସ । ଡକାୟତି ଉଦ୍ୟମ ବେଳେ ୫ ଜଣଙ୍କୁ ଗିରଫ କରିଛି ଭରତପୁର ଥାନା ପୋଲିସ । ଡକାୟତଙ୍କ ଠାରୁ ଗୋଟିଏ ଦେଶୀ ବନ୍ଧୁକ, ୨ଟି ଗୁଳି, ଗୋଟିଏ ଛୁରୀ, ଲୁହା ରଡ୍ ଜବତ କରାଯାଇଛି । ସେହିଭଳି ତମାଣ୍ଡୋ ପୋଲିସ ଗୋଟିଏ ମାମଲାରେ ଜଣକୁ ଗିରଫ କରିବା ସହ ୩ଟି ମନିଟର, ୪ଟି ୟୁପିଏସ୍, ଗୋଟିଏ କିବୋର୍ଡ, ଗୋଟିଏ ମାଉସ୍ ଜବତ କରିଛି । ବାଲିଅନ୍ତା ପୋଲିସ୍ ଗୋଟିଏ ସାଉଣ୍ଡ ମେସିନ୍, ବ୍ୟାଟେରି, ଇନଭର୍ଟର ସହ ଜଣଙ୍କୁ ଗିରଫ କରିଛି । ଖଣ୍ଡଗିରି ପୋଲିସ ୨ ଜଣଙ୍କୁ ଗିରଫ କରିବା ସହ ୨ଟି ଚୋରି ମୋବାଇଲ୍ ଫୋନ୍ ଜବତ କରିଛି । ସେହିଭଲି ସହିଦନଗର ଥାନା ପୋଲିସ ଗୋଟିଏ ମୋବାଇଲ୍ ଜବତ କରିବା ସହ ଜଣଙ୍କୁ ଗିରଫ କରିଛି ।
ଅପରାଧୀଙ୍କୁ ସାବାଡ୍ କରୁଛି କମିଶନରେଟ୍ ପୋଲିସ
Plugin Install : Subscribe Push Notification need OneSignal plugin to be installed.
