ଅଧାରେ ଅଟକି ଗଲା ପରୀକ୍ଷା ଦେବାର ସ୍ୱପ୍ନ, ବାଇକ ଗଛରେ ପିଟିହୋଇ ୨ଜଣଛାତ୍ର ଗୁରୁତର. କଟକ ମେଡ଼ିକାଲ ରେ ଜଣେ ଦସମ ଶ୍ରେଣୀ ଛାତ୍ରଙ୍କ ମୃତ୍ୟୁ, କେନ୍ଦ୍ରାପଡ଼ା ଜିଲ୍ଲା ମହାକାଳପଡା ବ୍ଲକ ବୁଧବାର ଜମ୍ବୁ ଗ୍ରାମପଞ୍ଚାୟତ ରେ ଏକ ବଡ଼ଧରଣ ର ଅଘଟଣ ଘଟିଯାଇଛି. ଦୁଃଶାସନ ରାମ ପ୍ରସାଦ ଉଚ୍ଚ ବିଦ୍ୟାଳୟର ୩ଜଣ ଛାତ୍ର ରାହମା ସ୍ଥିତ ଦଶମ ଶ୍ରେଣୀ ପରୀକ୍ଷା ସେଣ୍ଟରରୁ ପରୀକ୍ଷା ଦେବାକୁ ଯାଇଥିଲେ. ବାଇକ ଯୋଗେ ପରୀକ୍ଷା ସାରି ଘରକୁ ଫେରୁଥିବା ବେଳେ ବାବର ପୋଲ ନିକଟରେ ଛାତ୍ରଙ୍କ ବାଇକ ଭାରସାମ୍ୟ ହରାଇ ଏକ ଗଛରେ ପିଟିହେବା ବେଳେ ଦୁର୍ଘଟଣା ହୋଇଥିଲା . ଘଟଣାସ୍ଥଳରେ ଉପସ୍ଥିତ ଥିବା ପଥଚାରି ମାନେ ଛାତ୍ରମାନଙ୍କୁ ପ୍ରଥମେ ବାବର ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ. ବାବର ଡାକ୍ତର ଖାନାରୁ ଜଣେ ଛାତ୍ର ସୁସ୍ଥ ହୋଇ ଘରକୁ ଫେରିଥିବା ବେଳେ ୨ଜଣ ଛାତ୍ର ଙ୍କୁ କେନ୍ଦ୍ରାପଡା ଡାକ୍ତରଖାନା ଓ ପରେ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା. ମାତ୍ର ସେଠାରେ ଜମ୍ବୁ ଗ୍ରାମର ମୃତ୍ୟୁଞ୍ଜୟ ବୈରାଗୀଙ୍କ ପୁଅ ରାଜେଶଙ୍କ ମୃତ୍ୟୁ ଘଟିଥିବା ବେଳେ ବାବୁଲା ମାଝୀଙ୍କ ପୁଅ ବାପୁନ ମାଝୀ ଗୁରୁତର ଆହତ ହୋଇ ଚିକିତ୍ସା ହେଉଥିବାର ସୂଚନା ମିଳିଛି.
Plugin Install : Subscribe Push Notification need OneSignal plugin to be installed.
