<h3>ଜଗତସିଂହପୁର ଅଗ୍ନି ବିପନ୍ନଙ୍କୁ ସାହାଯ୍ୟର ହାତ ବଢାଇଲା ଆଶୀର୍ବାଦ ସେବା ସଂଗଠନ। ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଚଷାପଡା ଗ୍ରାମର ଗୈରାଙ୍ଗ ଚରଣ ପରିଡ଼ାଙ୍କ ପାଞ୍ଚ ବଖରା ଚାଳ ଛପର ଘର ପୂର୍ବାହ୍ନ ସମୟରେ କୈାଣସି କାରଣରୁ ନିଆଁ ଲାଗି ପୋଡ଼ି ପାଉଁଶ ହୋଇଯାଇଛି। ଏଥିରେ ପାଖାପାଖି ଦଶ ଲକ୍ଷ ଟଙ୍କାର ଆସବାବପତ୍ର ନଷ୍ଟ ହୋଇଯାଇଛି। ଗ୍ରାମବାସୀମାନେ ଜାଣିଲା ପରେ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବିଭାଗକୁ ଜଣାଇଥିଲେ। ଅଗ୍ନିଶମ ଗାଡ଼ି ଘଟଣାସ୍ଥଳରେ ପହଞ୍ଚିଥିବା ବେଳକୁ ନିଆଁକୁ ଆୟତ୍ତ କରିବାରେ ବିଫଳ ହୋଇଥିଲେ। ପରବର୍ତ୍ତୀ ସମୟରେ ଖବର ପାଇ ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଆଶୀର୍ବାଦ ସେବା ସଂଗଠନର ସଭାପତି ଜଗନ୍ନାଥ ବେହେରା ବିଜେଦ୍ର ଦାସ, ଦୀପ୍ତିରଞ୍ଜନ ବିଶ୍ଵାଳ, ସନ୍ତୋଷ କରଣ, ଶ୍ରଦ୍ଧାନନ୍ଦ ଜେନା ପ୍ରମୁଖ କିଛି ରାସନ୍ ସାମଗ୍ରୀ ପ୍ରଦାନ କରିଥିଲେ।</h3>
