ରିଲିଜ୍ ହେବା ପୂର୍ବରୁ ବିବାଦରେ ଅକ୍ଷୟ କୁମାରଙ୍କ ଫିଲ୍ମ ଓ ମଇ ଗଡ ୨ । ଫିଲ୍ମକୁ ସେନ୍ସର ବୋର୍ଡ ସାର୍ଟିଫିକେଟ ଦେଇନଥିବା ବେଳେ ବର୍ତ୍ତମାନ ମହାକାଳେଶ୍ୱର ମନ୍ଦିରର ପୂଜାରୀ ଫିଲ୍ମକୁ ନେଇ ନିର୍ଦ୍ଦେଶକଙ୍କ କଡା ଚେତାବନୀ ଦେଇଛନ୍ତି । ସୂଚନା ଅନୁସାରେ, ଅକ୍ଷୟ କୁମାରଙ୍କ ନୂଆ ଚଳଚ୍ଚିତ୍ର ଓ ମାଇ ଗଡ ୨ ର ରିଲିଜ୍ ଅଗଷ୍ଟ ୧୧ରେ ରିଲିଜ୍ ହେବାକୁ ଯାଉଛି । କିନ୍ତୁ ରିଲିଜ ହେବା ପୂର୍ବରୁ ଏହା ବିବାଦରେ ଛନ୍ଦି ହୋଇଛି ।
ସୂଚନା ଅନୁସାରେ, ଫିଲ୍ମ ଓ ମାଇ ଗଜ ୨ରେ ଅକ୍ଷୟ କୁମାର ମହାଦେବଙ୍କ ଭୂମିକାରେ ନଜର ଆସିବେ । ତାଙ୍କ ଭକ୍ତ ଭାବେ ଅଭିନେତା ପଙ୍କଜ ତ୍ରିପାଠୀଙ୍କୁ ଦେଖିବାକୁ ମିଳିବ । ତେବେ ଫିଲ୍ମ ରିଲିଜ ନ ହେବା ଆଗରୁ ବିବାଦରେ ଛନ୍ଦି ହୋଇଛି । ଫିଲ୍ମକୁ ସେନ୍ସର ବୋର୍ଡ ସାର୍ଟିଫିକେଟ ଦେଇନଥିବା ବେଳେ ଇନ୍ଦୋର ସମେତ ଅନେକ ସ୍ଥାନରେ ଫିଲ୍ମକୁ ନେଇ ବିକ୍ଷୋଭ ଆରମ୍ଭ ହୋଇଛି । ଭକ୍ତଙ୍କ ଭାବନାକୁ ଦୃଷ୍ଟିରେ ରଖି ମନ୍ଦିରର ପୁରୋହିତମାନେ ମଧ୍ୟ କଡା ଚେତାବନୀ ଦେଇ କହିଛନ୍ତି ଯେ, ଯଦି ହିନ୍ଦୁ ସନାତନ ଧର୍ମର ଦେବା ଦେବତାମାନଙ୍କ ସହ କୌଣସି ପ୍ରକାରର ଅପବ୍ୟବହାର ହୁଏ, ତେବେ ଚଳଚ୍ଚିତ୍ର ନିର୍ଦ୍ଦେଶକ ତଥା ଚଳଚ୍ଚିତ୍ରର ନାୟକ ବିରୋଧର ସମ୍ମୁଖୀନ ହେବାକୁ ପ୍ରସ୍ତୁତ ହେବା ଉଚିତ୍ ।
